crime (फोटो सौजन्य: social media )
परभणी: परभणीमधून एक धक्कादायक घटना समोर आली आहे. पतीने आपल्या पत्नीची निर्घृण हत्या केल्याचे समोर आहे. हत्या करण्याआधीच त्याने आपल्या व्हॉट्सअप अकाऊंटवर पत्नीसाठी भावपूर्ण श्रद्धांजलीचे स्टेटस ठेवले. या घटनेने जिल्ह्यात खळबळ उडाली आहे. मृतकाचे नाव विद्या विजय राठोड असे आहे.
फुरसूंगी अन् वानवडीत चोरट्यांनी बंद फ्लॅट फोडले; खिडकीतून प्रवेश केला अन्…
नेमकं काय घडलं?
परभणी येथील जिंतूर तालुक्यातील वाघी येथील विजय राठोड यांचा विवाह सोनापूर तांडा विद्या विजय राठोड यांच्याशी झाला होता. ३-४ दिवसांपूर्वी पती- पत्नीमध्ये वाद झाला होता. पती- पत्नीमध्ये सुरु असलेल्या वादामुळे पत्नी विद्या ही माहेरी राहायला आली होती. विद्या आज त्यांच्या वडिलांच्या शेतात असतांना तिथेही या पती- पत्नीमध्ये शाब्दिक चकमक झाली. त्यातून विजय राठोड याने हातातील धारदार हत्याराने पत्नीच्या छाती, पोट, पाठीवर 10 ते 12 वार केले. यामुळे विद्या गंभीर जखमी झाली होती. त्यामुळे, गंभीर जखमी अवस्थेत तिला तातडीने जिंतूर ग्रामीण रुग्णालयात उपचारासाठी दाखल करण्यात आले. मात्र, डॉक्टरने तिला मृत घोषित केले आहे.
विजय राठोड याने हत्या करण्यापूर्वीच आपल्या व्हॉट्सअप अकाऊंटवर पत्नीसाठी भावपूर्ण श्रद्धांजली लिहिलेले स्टेटस ठेवले होते. या घटनेननंतर रुग्णालय परिसरात नातेवाईकांचा आक्रोश पाहायला मिळाला आहे. भर पावसातही संतप्त जमावाने आरोपीला तात्काळ अटक करण्याची मागणी केली आहे. पण त्याने इतकी निर्घृण हत्या का केली? हे अद्याप स्पष्ट झालेले नाही आहे. पोलिसांनी अद्याप गुन्हा दाखल केलेला नाही आहे. आता पोलीस काय कारवाई करतात हे पाहणं महत्वाचं ठरलेलं आहे.
आई बाबा घरी नसतांना मुलीने बॉयफ्रेंडला बोलावले घरी; धाकट्या भावाने बहिणीला नको त्या अवस्थेत पाहिलं आणि नंतर…
उत्तरप्रदेशच्या एटामध्ये एक धक्कादायक घटना घडली आहे. आई बाबा बाहेर गेले म्हणून १६ वर्षाच्या मुलीने प्रियकराला घरी बोलावलं. त्याचवेळी मुलीचा धाकटा भाऊ तिथे आला आणि त्याने बहिणीला नको त्या अवस्थेत पाहिलं. आपल्या धाकट्या भावाने अश्या अवस्थेत पाहिलं हे पाहून मुलगी गोंधळून गेली. तिने प्रियकराच्या मदतीने भावाची हत्या केली.
नेमकं काय घडलं?
एका १६ वर्षीय मुलीचे बाबा शेतावर गेले होते आणि आई बाहेर गेली होती. तिने आपल्या प्रियकर विनयला घरी बोलावलं. त्यावेळी तिच्या धाकट्या भावाने दोघांना संबंध ठेवताना पकडलं. तो त्यांच्याजवळ गेला आणि आरडाओरडा करण्याची धमकी दिली. त्याचा आवाज बंद करण्यासाठी विनयने त्याचं तोंड दाबलं. मुलीने त्याचा गळा आवळला. सर्व हालचाल थांबेपर्यंत मुलगी त्याचा गळा दाबत राहिली. त्यानंतर विनय घटनास्थळावरुन फरार झाला. दुसऱ्या दिवशी आई – बाबा घरी परतले, त्यावेळी त्यांना मुलाचा मृतदेह जमिनीवर पडलेला दिसला. आईने हंबरडाच फोडला, लगेच पोलिसांना याची माहिती देण्यात आली.
पोलिस घटनास्थळी दाखल झाले आणि मृतदेह शवविच्छेदनासाठी पाठवला. तेव्हा स्पष्ट झाले की हत्या गळा दाबण्यामुळे झाली आहे. बहिणीची चौकशी केली तेव्हा तिने दिशाभूल करणारी उत्तर दिली. पण पोलिसांनी आपल्या खाक्या दाखवताच तिने गुन्हयाची कबुली दिली. जलेसरचे SHO सुधीर कुमार सिंह यांनी ही माहिती दिली.