Crime News: “मी पुण्याचा डॉन आहे म्हणत पोलिसाला धमकी, मारहाण अन्…; नेमके प्रकरण काय?

पुणे-नगर महामार्गावर दोन कारमध्ये अपघात झाल्यानंतर वाद निर्माण झाला. दोघांनीही डायल ११२ वर संपर्क साधल्याने शिक्रापूर पोलिसांचे पथक घटनास्थळी पोहोचले होते.

पोलिसांना जीवे मारण्याची धमकी (फोटो- istockphoto)

Follow Us:

Follow Us:

शिक्रापूर: सणसवाडी (ता. शिरुर) येथे दोन कारच्या झालेल्या अपघातानंतर घटनास्थळी तपासासाठी गेलेल्या पोलीस कर्मचाऱ्याला “मी पुण्याचा डॉन आहे” अशी ओळख देत, वायरलेस मशीन हिसकावून मारहाण व जीवे मारण्याची धमकी देण्याची धक्कादायक घटना घडली. या प्रकरणी ऋषिकेश हरिषचंद्र गुंजाळ (वय 29, रा. पांडवनगर, गुंजाळवाडी, पुणे) याच्यावर शिक्रापूर पोलीस ठाण्यात गुन्हा दाखल करण्यात आला आहे.

घटनेची सविस्तर माहिती अशी की, पुणे-नगर महामार्गावर दोन कारमध्ये अपघात झाल्यानंतर वाद निर्माण झाला. दोघांनीही डायल ११२ वर संपर्क साधल्याने शिक्रापूर पोलिसांचे पथक घटनास्थळी पोहोचले. पोलिस कर्मचारी अपघाताची माहिती ११२ मशीनवर भरत असताना संशयित आरोपी ऋषिकेश गुंजाळ याने पोलिसाच्या हातातील मशीन हिसकावून घेत, “मी पुण्याचा डॉन आहे, जेलरला संपवले, तुलाही संपवेल” असे म्हणत मोठ्याने आरडाओरड केली.

यानंतर त्याने पोलीस कर्मचाऱ्याला धक्काबुक्की करत रस्त्यावर ढकलून मारहाण केली. त्यानंतर शिक्रापूर पोलिसांनी तातडीने हस्तक्षेप करत गुंजाळ याला अटक केली असून, याप्रकरणाचा तपास सहाय्यक पोलीस उपनिरीक्षक वेरणनाथ मुत्तनवार करत आहेत.ऋषिकेश गुंजाळ याच्यावर शासकीय कामात अडथळा, पोलिसावर हल्ला व धमकी देणे अशा कलमांखाली गुन्हा दाखल केला आहे.

Web Title: Police officer went to scene investigate after accident was beaten up and threatened with death shikrapur crime news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com