Pune Crime: शेवटची भेट ठरली जीवघेणी! आधी प्रेयसीला संपवलं, नंतर स्वतः उचलले टोकाचे पाऊल; पुण्यातील थरारक प्रकरण

प्रेमी जोडप्याची शेवटची भेट जीवघेणी ठरली. लग्नाला मुलीच्या वडिलांचा विरोध असल्याने दोघांमध्ये वाद वाढले. भेटीसाठी मुलाच्या रूमवर गेलेल्या तरुणीची हत्या झाली, तर प्रियकराने ट्रेनखाली येत आत्महत्या केली.

• एकाच लॅबमध्ये काम करत असताना दिव्या निगोट आणि गणेश काळे यांच्यात प्रेमसंबंध निर्माण.
• लग्नाला मुलीच्या वडिलांचा विरोध; शेवटच्या भेटीत तरुणीची हत्या.
• हत्या केल्यानंतर गणेश काळे यांनी तळेगावात ट्रेनखाली येत आत्महत्या केली.

पुणे: पुण्यातून एक धक्कादायक घटना समोर आली आहे. तरुणाने आधी प्रेयसीची हत्या केली नंतर स्वतः आत्महत्या केल्याचे समोर आले आहे. ही घटना २९ नोव्हेंबर रोजी घडली. या घटनेने परिसर हादरून गेले आहे. १५ डिसेंबर रोजी तरुणीचा विवाह ठरला होता. लग्नाच्या आधी तिने प्रियकरासोबत शेवटची भेट घेण्याचे ठरवले. आणि हीच भेट तिच्या जीवावर बेतली. ही धक्कदायक घटना पुण्यातील येरवडा पोलीस ठाण्याच्या हद्दीत घडली आहे.

Mumbai Crime: नवरा पोलीस, मात्र सासरच्या छळाने बायकोने लावला गळ्याला दोर! मुंबईतली घटना

काय नेमकं प्रकरण?

मृत तरुण आणि तरुणी हे एका लॅबमध्ये काम करायचे. दरम्यान त्यांच्यात प्रेमसंबंध जुळले. हे दोघे एकत्र काम करत असल्याने त्यांनी लग्न करण्याचा विचार केला. परंतु मुलीच्या वडिलांनी या लग्नाला नकार दिला. १५ डिसेंबर रोजी तरुणीचा दुसऱ्या मुलासोबत विवाह ठरला होता. या दोघांनी लग्नाच्या आधी एकदा शेवटची भेट घेण्याचे ठरवले. ते दोघे भेटले परंतु ही भेट जीवघेणी ठरली. माहितीप्रमाणे दोघे सकाळी 11 वाजता लॅबमधून निघाले आणि तरुणाच्या संगमवाडी येथील रूमवर गेले. तिथे तरुणाने प्रेयसीची हत्या केली. २९ नोव्हेंबरला रोजी दुपारी सुमारे 3 वाजता तो घरातून बाहेर पडला, घराला लॉक लावले आणि तळेगाव दाभाडे रेल्वे स्थानकावर जाऊन ट्रेनखाली येत आत्महत्या केली. हत्या झालेल्या तरुणीचा नाव दिव्या संतोष निगोट (वय 24) असे आहे. तर आत्महत्या करणाऱ्या गणेश काळे (वय 28) असे आहे.

मुलगा बीडचा…

दिव्या आणि गणेश या दोघांनी लग्न करण्याचं निर्णय घेत होत. परंतु दिव्याच्या वडिलांनी या विवाहाला विरोध केला. “मुलगा बीडचा आहे, लग्न करू नको” असे सांगून त्यांनी ठाम नकार दिला. त्यामुळे तरुणीनेही लग्नाला नकार दिला. दिव्याचे लग्न दुसऱ्या मुलासोबत ठरवण्यात आले. तिचे १५ डिसेंबर रोजी लग्न होते. पोलिसांनी घटनास्थळी पाहणी केली असता मुलीच्या नाकावर आणि उजव्या गालावर जखमा दिसल्या. तसेच तिच्या तोंडातून फेस येत होता. त्यामुळे तिला विष दिल्याचा प्राथमिक संशय व्यक्त करण्यात आला आहे, या प्रकरणाचा पुढील तपास पोलीस करत आहेत. दोघांचे मृतदेह त्यांच्या आई-वडिलांच्या ताब्यात देण्यात आले.

Pune Crime : पुणे हादरले! प्रेमी युगलाचे एकाच दिवशी वेगवेगळ्या ठिकाणी आढळले मृतदेह