Pune Crime: पुण्यात विषारी दारूचं थैमान! 15 जणांचा मृत्यू, पोलिस आयुक्तांचा दणका; अनेक अधिकारी निलंबित

पुण्यातील हडपसर आणि पिंपरी-चिंचवडच्या फुगेवाडी परिसरात विषारी दारू प्रकरणात 15 जणांचा मृत्यू झाला. दारूमध्ये मिथेनॉल मिसळल्याचा संशय असून मुख्य आरोपी योगेश वानखेडे याला अटक करण्यात आली आहे. घटनेनंतर पोलिस आयुक्तांनी कर्तव्यात कसूर केल्याप्रकरणी अनेक पोलीस अधिकाऱ्यांना निलंबित केले आहे.

• हडपसर आणि फुगेवाडीत विषारी दारू पिऊन 15 जणांचा मृत्यू.
• दारूमध्ये मिथेनॉल मिसळल्याचा संशय; मुख्य आरोपी योगेश वानखेडे अटकेत.
• कर्तव्यात कसूर केल्याप्रकरणी पुणे व पिंपरी-चिंचवडमधील अनेक पोलीस अधिकारी निलंबित.

पुणे: पुण्यातील हडपसर आणि पिंपरी चिंचवडच्या फुगेवाडी परिसरात मोठी दुर्घटना घडली. फुग्यातून मिळणाऱ्या दारू मधून १४ जणांचा मृत्यू झाल्याची घटना घडली आहे. फुगेवाडी आणि हडपसर परिसरात अवैध दारू मोठ्या प्रमाणावर विकली जायची. मात्र याकडे पोलिसांच साफ दुर्लक्ष होत. या मुळेच या परिसरात दारू विक्री केली जायची. या घटनेतील मुख्य आरोप योगेश वानखेडे याला अटक करण्यात आली आहे. त्याने या दारूमध्ये मिथेनॉल मिक्स केलेल असाव अशी शक्यता आहे. कारण याने जास्त नशा होते आणि दारुच्या प्रमाणात वाढ होते म्हणून त्याने हे कृत्य केल. तो कॅन मधून भेसळ केलेली आपली दारू विक्री करत होता. मात्र याच कॅन मधल्या दारूने हडपसर परिसरात तब्बल ५ जणांचा मृत्यू झाला आहे. तर फुगेवाडी परिसरात १० जणांचा मृत्यू झाला. याची कल्पना पोलिसांना नव्हती का? असा संतप्त सवाल नागरिक विचारात आहे. आता याच प्रकरणात पुणे आणि पिंपरी चिंचवड पोलीस आयुक्तांनी कारवाई केली आहे. कर्तव्यात कसूर म्हणून त्यांनी थेट ८ पोलिस अधिकाऱ्यांच निलंबन केल आहे.

Solapur Crime: ‘तुला जिवंत राहू देणार नाही’; सततच्या धमक्या, बेदम मारहाण… हातावर आरोपींची नावे लिहित 21 वर्षीय तरुणाची आत्महत्या

८ पोलिस अधिकाऱ्यांच निलंबन

पोलीस आयुक्त अमितेश कुमार यांनी कारवाई करत तीन पोलीस अधिकाऱ्यांना निलंबित केल आहे आहे. हडपसर पोलीस ठाण्याचे प्रभारी अधिकारी मोगले, एपीआय सिकलगर आणि पोलीस उपनिरीक्षक मुलानी यांना निलंबित केल आहे. तर त्यांची वेगळ्या विभागात बदली सुद्धा करण्यात आली आहे.

फुगेवाडी विषारी दारू प्रकरणी 10 जणांच्या मृत्यू नंतर पिंपरी चिंचवड पोलीस आयुक्त विनय कुमार चौबे मोठी कारवाई केली आहे. दापोडी पोलीस ठाण्याचे पोलीस निरीक्षक विजय वाघमारे तसेच तपास पथकाचे इंचार्ज आणि 4 कर्मचारी निलंबित केले आहेत. तर गुन्हे शाखेचे पोलीस निरीक्षक नरेंद्र ठाकरे यांची पोलीस नियंत्रण कक्षात रवानगी केली आहे.

स्थानिक नागरिक संतप्त

फक्त अधिकाऱ्यांच निलंबन करून चालणार आहे का ? या परिसरात दारू विक्री होत असताना पोलीस काय करत होते? त्यांना याची कल्पना नव्हती का? आता तरी पोलीस शहरात अवैध धंद्यांवर कारवाई करणार का? असे संतप्त सवाल स्थानिक नागरिकांकडून करण्यात येत आहे. पुणे जिल्ह्यातून आणि शहरातून गुन्हेगारीच्या बातम्या सतत आणि दररोज वाचायला मिळत आहे. आता या भेसळ दारूने एकूण १५ जणांचा मृत्यू झाला आहे. या प्रकरणात पुणे पोलीस आणि पिंपरी चिंचवड पोलीस काय कारवाई करतात याकडे सर्वांचे लक्ष लागले आहेत.

Jalgaon Crime: ‘मी जिवंत आहे!’ तरुणीच्या एका वाक्याने हत्याकांडाचा संपूर्ण तपास उलटला; नेमकं काय प्रकरण?