Pune Murder: शाळेतील प्रेम, पुण्यात लव्ह ट्रँगल; जुन्या प्रियकराचा संताप अनावर अन्…, CCTVमध्ये कैद हत्येचा थरार

पुण्यातील हिंजवडी येथील पीजीमध्ये प्रेमसंबंधातून धक्कादायक हत्याकांड घडले. दिनेश झांबरे याने लोखंडी रॉडने सागर गायकवाडवर 13 ते 14 वार करून त्याची हत्या केली. हल्ल्यात तरुणीही गंभीर जखमी झाली. संपूर्ण घटना सीसीटीव्हीत कैद झाली असून, लव्ह ट्रँगलमधून हा गुन्हा घडल्याचा प्राथमिक अंदाज व्यक्त केला जात आहे. आरोपीला पोलिसांनी अटक केली

• लव्ह ट्रँगलच्या वादातून हिंजवडीतील पीजीमध्ये तरुणाची लोखंडी रॉडने हत्या.
• हल्ल्यात संबंधित तरुणी गंभीर जखमी; तिच्यावर रुग्णालयात उपचार सुरू.
• संपूर्ण घटना सीसीटीव्हीत कैद; आरोपी दिनेश झांबरेला पोलिसांनी अटक केली.

पुणे: पुण्यातील हिंजवडी परिसरातून प्रेमसंबंधाचे भयावह रूप समोर आले आहे. शाळेपासून सुरू झालेल्या प्रेमकथेचा शेवट रक्तरंजित हत्येत झाला. लव्ह ट्रँगलमधून संतापलेल्या एका तरुणाने पीजीमध्ये घुसून लोखंडी रॉडने तरुणाची निर्घृण हत्या केली, तर त्याच्यासोबत असलेल्या तरुणीवरही जीवघेणा हल्ला केला. ही संपूर्ण थरारक घटना पीजीमधील सीसीटीव्ही कॅमेऱ्यात कैद झाली असून, पोलिसांनी आरोपीला अटक केली आहे. या घटनेमुळे हिंजवडी परिसरात मोठी खळबळ उडाली आहे.

पुण्यातील वाघोलीत व्यावसायिकावर गोळीबार, 22 तोळे सोने लुटून आरोपी पसार; नेमकं काय घडलं?

काय घडलं नेमकं?

आरोपीचे नाव दिनेश महादेव झांबरे असे नाव आहे. तर मृत्यू झालेल्या तरुणाचे नाव सागर गायकवाड असे आहे. हिंजवडीतील या पीजीमध्ये सागर गायकवाड गेल्या चार दिवसांपासून मॅनेजर म्हणून काम करत होता. तर या हल्ल्यात एक तरुणी गंभीर जखमी झाली आहे. जखमी तरुणी आणि दिनेश यांचे शाळेपासून प्रेमसंबंध होते. दोघेही बीसीएच्या शिक्षणासाठी पुण्यात आले होते. मात्र, पुण्यात आल्यानंतर या तरुणीची सागर गायकवाडसोबत जवळीक वाढली. तरुणी सागरसोबत पीजीमध्ये राहण्यासाठी आली होती. याचमुळे दिनेश आणि सागर मध्ये वाद झाला. याच वादातून दिनेश ने सागरची हत्या केली असे प्राथमिक तपासातून समोर आले आहे.

कशी केली हत्या?

सागर गेल्या चार दिवसांपासून मॅनेजर म्हणून काम करत होता. बुधवारी रात्री तरुणी एका महिन्यासाठी पीजीमध्ये राहण्यासाठी आली. तिने पीजी संचालकाला सागर हा तिचा प्रियकर असल्याचे सांगितले. त्यांनतर सागरने तिला तिसऱ्या मजल्यावरील ३१० क्रमांकाच्या खोलीत राहण्याची व्यवस्था करून दिली. दुसऱ्या दिवशी दुपारी दिनेश महादेव झांबरे हा पीजीमध्ये आला. त्याने कर्मचाऱ्यांना सागरला भेटायचे असल्याचे सांगितले. तसेच त्याची प्रेयसी याच पीजीमध्ये राहत असल्याचेही त्याने सांगितले. कर्मचाऱ्यांनी सागर तिसऱ्या मजल्यावर असल्याचे सांगितल्यानंतर दिनेश थेट तिसऱ्या मजल्यावर गेला. तिथे गेल्यानंतर काही वेळातच पीजीमध्ये आरडाओरडा आणि किंचाळण्याचे अवाज ऐकू आले. लोक घटनास्थळी पोहोचले तेव्हा सागर जमिनीवर रक्ताच्या थारोळ्यात पडलेला होता.

सीसीटीव्ही मध्ये कैद झाला थरार

दिनेशने त्याच्यावर लोखंडी रॉडने हल्ला करत असल्याचे सीसीटीव्ही मध्ये झाले. दिनेशने तब्बल १३ ते १४ वेळा रॉडने वार केले. या हल्ल्यात घटनास्थळीच मृत्यू झाला. यामुळे सागरचा जागेवरच मृत्यू झाला. त्यानंतर दिनेशने त्याच तरुणीवर देखील जीवघेणा हल्ला केला. या हल्ल्यात ती गंभीर जखमी झाली. रुग्णालयात तिच्यावर उपचार सुरु आहेत. या घटनेचा थरार सीसीटीव्ही मध्ये कैद झाला आहे. या प्रकरणी दिनेश महादेव झांबरे याला पोलिसांनी अटक केली असून सीसीटीव्ही फुटेजच्या आधारे पुढील तपास सुरू आहे. या घटनेने परिसरात खळबळ उडाली.

Hyderabad Crime: YouTube वर पाहिल्या मृत्यूच्या पद्धती; हेलियम गॅस मागवून CA ने लॉजमध्ये संपवलं आयुष्य, कारण समोर