तरुणीची निर्घृण हत्या; धारदार शस्त्राच्या सहाय्याने डोकं, हात, पाय, धड कापले अन्…, पुण्यातील धक्कादायक प्रकार

पुण्यातून अत्यंत भयानक हत्या झाल्याची घटना समोर आली आहे. एका अनोळखी महिलेचा खून करून तिच्या मृतदेहाचे अक्षरशः तुकडे करण्यात आले. खराडी येथील नदीपात्रात या तरुणीचे धड पोलिसांना आढळले आहे.

तरुणीची निर्घृण हत्या; धारदार शस्त्राच्या सहाय्याने डोकं, हात, पाय, धड कापले अन्..., पुण्यातील धक्कादायक प्रकार

Follow Us:

Follow Us:

गेल्या काही दिवसांपासून सातत्याने महिलांवरील अत्याचाराच्या भयानक घटना समोर येत आहेत. तरुणीपासून ते वृद्ध महिलांपर्यंत जे अत्याचार होत आहेत ते अत्यंत भयानक आहेत. कोलकाता येथील महिला डॉक्टरवर अत्याचार करून तिची हत्या करण्यात आली. त्यानंतर बदलापूर येथील दोन चार वर्षीय चिमुकल्यांवर लैंगिक अत्याचार प्रकराने संपूर्ण देश हादरला आहे. असे असतानाही पुण्यातून एक धक्कादायक घटना समोर येत आहे.

तरुणीची भयानक हत्या

मिळालेल्या माहितीनुसार, अनोळखी महिलेची हत्या करून तिच्या मृतदेहाचे अक्षरश: तुकडे करून पुण्यातील खराडी येथील नदीपात्रात फेकण्यात आले. नदीपात्रात काही संशयास्पद वस्तू नागरिकांना दिसल्यानंतर परिसरातील नागरिकांनी पोलिसांना माहिती दिली. पोलिसांनी तपास केल्यानंतर हा मृतदेह अल्पवयीन मुलीचा असल्याचे समजते. हत्या झालेल्या या तरुणीचे वय अंदाजे 18 ते 30 असल्याची प्राथमिक माहिती आहे. याप्रकरणी चंदननगर पोलीस ठाण्यात अज्ञात आरोपीविरुद्ध गुन्हा दाखल करण्यात आला आहे.

हे सुद्धा वाचा:  ‘ती ओरडत होती म्हणून तिचा गळा दाबला’, त्या रात्री महिला डॉक्टरची हत्या कशी झाली? आरोपी संजय रॉयची संतापजनक कबुली

खराडी परिसरात जेनी लाईट कन्स्ट्रक्शनचे काम सुरू आहे. येथून जवळच असलेल्या नदीपात्रात हात, पाय आणि डोके नसलेल्या महिलेचा मृतदेह असल्याची माहिती मिळाली. त्यानंतर पोलिसांनी घटनास्थळी जाऊन पाहणी केली याचा शोध घेतला. मृत तरुणीची ओळख अद्याप पटलेली नाही. या तरुणांचे वय 18 ते 30 च्या आसपास आहे.

अज्ञात इसमाने मारून पुरावा नष्ट करण्यासाठी धारदार शस्त्राच्या सहाय्याने तरुणीचे धडापासून डोके, खांद्यापासून दोन्ही हात आणि दोन्ही पाय, धड ही कापले आहेत. त्यानंतर शरीराचे तुकडे नदीत फेकण्यात आले. याप्रकरणी चंदननगर पोलीस ठाण्यात अज्ञात व्यक्तीविरुद्ध हत्येचा गुन्हा दाखल करण्यात आला आहे. या संदर्भात पोलीस अधिक तपास करत आहेत.

Web Title: Pune news a young girl was brutally assassinated shocking news in pune

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com