काय घडलं नेमकं?
या प्रकरणातील हत्या झालेल्या मुलाचे नाव निखिल यादव (वय वर्ष ३१) असे आहे. तर हत्या करणाऱ्या वडिलांचे नाव पासष्ट वर्षीय अरुण यशवंत यादव असे आहे. निखिल हा आई-वडिलांना गेल्या दोन वर्षांपासून मानसिक आणि शारीरिक त्रास देत होता. सतत कोणत्या ना कोणत्या कारणावरून वाद घालून तो भांडण करीत होता. शनिवारी रात्री निखिल आणि वडील अरुण यादव यांचे भांडण झाले. मनोरुग्ण असल्याने त्याला कित्येक वेळा सांगून समजावून घेतले तरी त्याचा त्रास वाढतच होता. निखिलवर ईश्वरपूर येथे उपचार सुरू होते. मनोरुग्ण असलेल्या पोटच्या मुलाचा सततचा त्रास सहन न झाल्याने रविवारी पहाटे चार वाजता वडिलांनी निखिलच्या डोक्यात दगड घालून त्याला संपविले.
Crime News : जुन्या वादातून तरुणावर जीवघेणा हल्ला; डोक्यात कोयता घातला अन्…
पोलीस तपास सुरु
निखिल हा एकुलता एक मुलगा असून त्याची आई सुलभा या अंगणवाaडीत काम करतात. निखिलच्या वडिलांना पोलिसांनी अटक केली असून पोलिसांनी मृतदेह ताब्यात घेतले आहे. मृतदेह शवविच्छेदन करण्यासाठी पाठवण्यात आला असून पुढील तपास पोलीस करत आहे.
यात्रेत धक्काबुक्कीचा वाद जीवावर; कवलापूरमध्ये दगडाने ठेचून तरुणाचा खून, आरोपी अटकेत
सांगली जिल्ह्यातून एक धक्कादायक घटना समोर आली आहे. कवलापूरमध्ये सिद्धेश्वर यात्रेत एकमेकांना धक्का लागल्याच्या कारणावरून वाद झाला. याच वादातून डोक्यात दगड घालून एका तरुणाची हत्या करण्यात आली. विश्वास कल्लाप्पा सुतार (वय 34, रा. कवलापूर) असे मृत्यू झालेल्या व्यक्तीचे नाव आहे. पोलिसांनी या प्रकरणी गुन्हा दाखल केला असून आरोपीला अटक केली आहे.
काय नेमकं घडलं?
या प्रकरणातील आरोपीचे नाव रोहित ऊर्फ नवनाथ श्रीरंग नाईक (वय 24, रा. कवलापूर, मूळ रा. भोसे, ता. मिरज) असे आहे. मिरज तालुक्यातील कवलापूर येथील सिद्धेश्वर देवाची यात्रा सुरू आहे. या यात्रेत तमाशाचा कार्यक्रम सुरू होता. यात्रेनिमित्त परिसरात मोठी गर्दी जमली होती. या गर्दीतून जाताना विश्वास आणि संशयित रोहित यांचा एकमेकांना धक्का लागला. यावरून दोघांमध्ये जोरदार वादावादी झाली. एकमेकांना शिवीगाळही झाली. यावर संतापलेल्या रोहितने विश्वासला धक्का देऊन खाली पाडले आणि रस्त्यावरील दगड त्याच्या डोक्यात घातला.
विश्वास जीवाच्या आकांताने ओरडल्याने परिसरातील ग्रामस्थांनी तातडीने धाव घेतली आणि रोहितला पकडून ठेवले. विश्वासला गंभीर जखमी अवस्थेतच सांगलीच्या शासकीय रुग्णालयात दाखल करण्यात आले. मात्र सोमवारी उपचारादरम्यान त्याचा मृत्यू झाला. विश्वास हा कवलापूर-कुमठे फाटा रस्त्यावरील हॉटेलमध्ये वेटर होता. दरम्यान, याप्रकरणी सूरज भूपाल सुतार याने पोलिस ठाण्यात फिर्याद दिली आहे. सांगली ग्रामीण पोलिस ठाण्याचे पथक पुढील तपासणी करत आहेत.
Ans: मुलाच्या सततच्या मानसिक व शारीरिक त्रासाला कंटाळून.
Ans: मुलाचे वडील अरुण यादव.
Ans: आरोपी वडिलांना ताब्यात घेऊन पुढील तपास सुरू आहे.
