पिस्तूल बाळगणाऱ्याला सापळा रचून पकडले; सातारा पोलिसांची मोठी कारवाई

मसूर (ता. कराड )येथे अवैधरित्या गावठी पिस्तूल बाळगल्याप्रकरणी एकला अटक करण्यात आली आहे. ही कारवाई सातारा स्थानिक गुन्हे शाखा आणि मसूर पोलिसांनी संयुक्तरीत्या केली आहे.

सातारा : मसूर (ता. कराड )येथे अवैधरित्या गावठी पिस्तूल बाळगल्याप्रकरणी एकला अटक करण्यात आली आहे. ही कारवाई सातारा स्थानिक गुन्हे शाखा आणि मसूर पोलिसांनी संयुक्तरीत्या केली आहे. संदेश सतिश ताटे (वय १९ रा. ओगलेवाडी, ता. कराड जि. सातारा) असे ताब्यात घेण्यात आलेल्याचे नाव आहे.

पोलिसांनी दिलेल्या माहितीनुसार, अंतवडी (ता. कराड) गावच्या हद्दीत मसूर ते शामगाव जाणाऱ्या रस्त्यावर एक जण मोटरसायकलवरून मिस्टर घेऊन येणार असल्याची माहिती स्थानिक गुन्हे शाखेचे पोलीस निरीक्षक अरुण देवकर यांना बातमीदारमार्फत मिळाली होती त्यानुसार त्यांनी सहाय्यक पोलीस निरीक्षक सुधीर पाटील यांच्या अधिपत्याखाली असलेल्या पथकास सूचना देऊन संबंधित परिसरात कारवाई करण्याबाबत सूचना दिल्या. दिनांक १६ रोजी स्थानिक गुन्हे शाखेचे सहाय्यक पोलीस निरीक्षक सुधीर पाटील आणि त्यांच्या अधिपत्याखाली असलेल्या पथकाने अंतवडी (ता. कराड) गावच्या हद्दीत मसूर-शामगाव रस्त्यावर मिळालेल्या माहितीनुसार सापळा रचला.

एक जण मोटरसायकल वरून येताना पथकला दिसला. त्याला जागीच पकडून त्यास ताब्यात घेतले असता त्याच्याकडे एक देशी बनावटीचे पिस्तूल, एक जिवंत काडतूस आणि एक मोटर सायकल असा १ लाख २५ हजार दोनशे रुपयांचा मुद्देमाल मिळाला. या युवकाविरुद्ध मसूर पोलीस ठाण्यात गुन्हा दाखल करण्यात आला आहे.

हे सुद्धा वाचा : Karad Crime : जास्त परतावा देण्याच्या आमिषाने फसवणूक; तब्बल 70 लाखांना घातला गंडा

सातारा पोलीस दलाकडून नोव्हेंबर २०२२ पासून ते आजपर्यंत १०४ देशी बनावटीची पिस्तूल, चार बारा बोअरच्या बंदुका, दोन रायफल, २३१ जिवंत काडतुसे, ३८३ रिकाम्या पुंगळ्या आणि चार मॅक्झिन जप्त करण्यात आले आहेत.

हे सुद्धा वाचा : लष्कर पोलिसांची मोठी कारवाई; प्रवाशांना लुटणाऱ्यांना घेतले ताब्यात

या कारवाईत पोलीस अधीक्षक समीर शेख अपर पोलीस अधीक्षक वैशाली कडूकर स्थानिक गुन्हे शाखेचे पोलीस निरीक्षक अरुण देवकर यांच्या मार्गदर्शनाखाली स्थानिक गुन्हे शाखेचे सहाय्यक पोलीस निरीक्षक सुधीर पाटील, रोहित फार्णे, पोलीस उपनिरीक्षक विश्वास शिंगाडे, पारितोष दातीर, सचिन साळुंखे, साबीर मुल्ला, मंगेश महाडिक, लक्ष्मण जगधने, हसन तडवी, सनी आवटे, मुनीर मुल्ला, अमित झेंडे, अजय जाधव, राजू कांबळे मनोज जाधव, धीरज महाडिक, अमृत कर्पे, वैभव सावंत, तसेच मसूर पोलीस ठाण्याकडील सहाय्यक पोलीस निरीक्षक आदिनाथ खरात, पोलीस अंमलदार महेश लावंड, अमोल पवार, महेश घुटूगडे, विक्रम पोतेकर यांनी सहभाग घेतला.