Shraddha Walkar Murder Case: एमए परिक्षेसाठी आरोपी आफताबची याचिका मंजूर, २० जुलैची सुनावणी कोर्टाने पुढे ढकलली

Crime News : देशातील सर्वात चर्चित हत्याकांड श्रद्धा वालकरच्या प्रकरणाला नवे वळण मिळाले आहे. आरोपी आफताबने परिक्षेचे कारण पुढे करत २० जुलैच्या सुनावणीला रद्द करण्याची विनवणी केली असून साकेत न्यायालयानेही त्याच्या याचिकेला मान्यता दिली आहे.

• आरोपीच्या एमए परीक्षेमुळे 20 जुलैची सुनावणी पुढे ढकलण्यात आली.
• न्यायालयाने याचिका स्वीकारून नवीन सुनावणीची तारीख अद्याप निश्चित केलेली नाही.
• आरोपी सध्या तिहार तुरुंगात न्यायालयीन कोठडीत असून तेथील परीक्षा केंद्रावर परीक्षा देणार आहे.

नवी दिल्लीतील श्रद्धा वालकर हत्याकांडाने संपूर्ण देशाला हादरवून सोडले. या प्रकरणात आरोपीला अद्यापही शिक्षा ठोठावण्यात आली नसून २० जुलै रोजी न्यायालयात होणाऱ्या सुनावणीला पुन्हा एकदा रद्द करण्यात आलं आहे. माहितीनुसार, आरोपी आफताब अमीन पूनावालाने त्याच दिवशी होणाऱ्या त्याच्या एमए (समाजशास्त्र) परिक्षेचे कारण पुढे करत सुनावणीला पुढे ढकलण्याची विनंती न्यायालयाकडे केली आहे. साकेत न्यायालयानेही त्याची याचिका स्वीकारत २० जुलैच्या सुनावणीला रद्द केले आहे. ही सुनावणी नंतर होणार असून याची नवीन तारीख निश्चित करण्यात आलेली नाही.

आधी बिर्याणी खाल्ली आणि मग १७ वर्षीय प्रेयसीची केली हत्या, १२ वेळा चाकूने वार अन्… प्रश्नपत्रिकेच्या मदतीने प्रियकराला अटक

कोर्टाने आरोपीचा याचिका स्वीकारली

या प्रकरणाची सुनावणी करणारे अतिरिक्त सत्र न्यायाधीश (एएसजे) हरगुरविंदर सिंग जग्गी यांनी, आरोपीने दाखल केलेल्या याचिकेवर विचार करत २० जुलैची नियोजित सुनावणी रद्द केली. न्यायालयाने यावेळी नमूद केले की, आरोपीची एमएची परिक्षा असल्याकारणाने त्या दिवशी कायदेशीर कार्यवाही करणे शक्य होणार नाही.

तिहार जेलमध्ये आफताब देणार परिक्षा

आफताब अमीन पूनावाला सध्या श्रद्धा वालकर हत्याप्रकरणात दिल्लीच्या तिहार तुरुंगात न्यायालयीन कोठडीत आहे. त्याची एमएची परिक्षा तिहार तुरुंग परिसरातील इंदिरा गांधी राष्ट्रीय मुक्त विद्यापीठाच्या (IGNOU) परीक्षा केंद्रावर होणार आहे.

Beed Crime: बीडमध्ये मध्यरात्री थरार! किरकोळ वादातून 21 वर्षीय तरुणाचा चाकूने निर्घृण खून

२०२२ मधील चर्चेत हत्याकांडाचा आरोप

आफताब अमीन पूनावाला याच्यावर गर्लफ्रेंड श्रद्धा वालकरच्या हत्येचा आरोप आहे. दिल्लीतील छत्तरपूर येथे श्रद्धाची हत्या करण्यात आली आणि नंतर पुरावे नष्ट करण्यासाठी आरोपीने तिच्या मृतदेहाचे ३५ तुकडे करत त्यांना दिल्लीच्या वेगवेगळ्या जंगलात फेकून दिले. वडिलांनी बेपत्ता होण्याची तक्रार दाखल केल्यानंतर हे प्रकरण उघडकीस आलं आणि पुराव्यांच्या आधारावर पोलिसांनी आफताबला अटक केली. या प्रकरणी साकेत न्यायालयात सुनावणी सुरु आहे.