कामाच्या शोधात आलेल्या तरुणाची आत्महत्या; ट्रकखाली येऊन उडी मारली अन्…

तरुण बाह्यवळण मार्गावर गेला. वाडीकडून यू-टर्न घेत एक आयशर ट्रक कमी वेगाने जात असताना त्याने अचानक ट्रकच्या पुढील आणि मागील चाकांच्या मधोमध उडी घेतली. ट्रकच्या चाकाखाली आल्याने त्याचा जागीच मृत्यू झाला.

नागपूर : कामाच्या शोधात पश्चिम बंगालहून नागपुरात आलेल्या एका तरुणाने धावत्या आयशर ट्रकखाली उडी घेऊन आत्महत्या केली. विशेष म्हणजे, आत्महत्या करण्याच्या काही वेळापूर्वी तो एका चहाच्या टपरीवर गेला होता. तेथे त्याने ‘मै मर जाऊंगा’ असे बोलून दाखवले होते. त्यानंतर काही वेळातच त्याने टोकाचे पाऊल उचलले. ही घटना व्हाईट हाऊस चौक ते वाडी बाह्यवळण मार्गावर घडली. मृत तरुणाच्या खिशात ओळख पटवणारे कोणतेही कागदपत्र सापडले नसल्याने त्याची ओळख पटवण्याचे आव्हान गिट्टीखदान पोलिसांसमोर आहे.

मिळालेल्या माहितीनुसार, हजारीपहाड येथील दिनेश सुखलाल गौतम (वय ३५) यांचे या मार्गावर चहाचे दुकान आहे. घटनेपूर्वी संबंधित तरुण त्यांच्या दुकानावर आला होता. त्याने आपण पश्चिम बंगालहून नागपुरात कामाच्या शोधात आल्याचे सांगितले. गेल्या काही दिवसांपासून पोटभर अन्न मिळाले नसल्याचेही त्याने दिनेश यांना सांगितले. तरुणाची अवस्था पाहून दिनेश यांनी त्याला चहा दिला. चहा घेत असतानाच तो अस्वस्थ असल्याचे दिसून आले. बोलता बोलता त्याने ‘मै मर जाऊंगा’ असे उद्गार काढले. त्यावेळी त्याच्या बोलण्याकडे गांभीर्याने पाहिले गेले नाही. मात्र, चहा पिऊन दुकानातून बाहेर पडल्यानंतर काही वेळातच त्याने टोकाचे पाऊल उचलले.

ट्रकच्या चाकाखाली आल्याने जागीच मृत्यू

तरुण बाह्यवळण मार्गावर गेला. वाडीकडून यू-टर्न घेत एक आयशर ट्रक कमी वेगाने जात असताना त्याने अचानक ट्रकच्या पुढील आणि मागील चाकांच्या मधोमध उडी घेतली. ट्रकच्या चाकाखाली आल्याने त्याचा जागीच मृत्यू झाला. घटनेनंतर घाबरलेला ट्रकचालक घटनास्थळावरून पसार झाला. माहिती मिळताच गिट्टीखदान पोलिसांनी पंचनामा करून मृतदेह उत्तरीय तपासणीसाठी रवाना केला.

कौटुंबिक वादातून विवाहितेची आत्महत्या

किरकोळ कारणावरून पती-पत्नीत वाद होऊन अबोला झाला. या तणावातून नंदिनी मंगलकर (वय ४५, रा. मिरे ले-आऊट, नंदनवर) हिने घरी गळफास लावून आत्महत्या केली. याप्रकरणी नंदनवन पोलिसांनी आकस्मिक मृत्यूची नोंद करून तपास सुरू केला आहे. पोलिसांनी दिलेल्या माहितीनुसार, नंदीनीचे पती महेश व्यवसायाने आर्किटेक्ट आहे. दाम्पत्याला मुलगा आणि मुलगी आहे. मुलगा इंजिनिअरींगचे शिक्षण घेत आहे. पाच दिवसांपूर्वी पती-पत्नीत क्षुल्लक वाद झाला. नंदीनीने मनावर ताण घेतला. दोघांत अबोला आणि दुरावा वाढला. परंतु, तिला हे सहन झाले नाही.

Crime News : LLB परीक्षेसाठी घराबाहेर पडली अन् कायमची बेपत्ता ! पत्नीने भेट दिलेल्या थारमध्येच गोळी झाडून हत्या