शाळेत घुसून मुलीला घेऊन गेला अन्…; पुण्यातील संतापजनक प्रकार

डछाड काढणाऱ्या तरुणांना पालकांनी समज दिल्यानंतर देखील शाळकरी मुलीसोबत अश्लील कृत्य करण्यात आल्याचा धक्कादायक प्रकार सहकारनगर परिसरात घडला आहे.

संग्रहित फोटो

Follow Us:

Follow Us:

पुणे : छेडछाड काढणाऱ्या तरुणांना पालकांनी समज दिल्यानंतर देखील शाळकरी मुलीसोबत अश्लील कृत्य करण्यात आल्याचा धक्कादायक प्रकार सहकारनगर परिसरात घडला आहे. मुलीला शाळेच्या वर्गातून बोलवून जबरदस्तीने गाडीवर बसवून नेत तिच्याशी अश्लील कृत्य करण्यात आले. तर, तिला आणि तिच्या भावाला जिवे मारण्याची धमकी देखील दिल्याचे तक्रारीत म्हंटले आहे. याप्रकरणी सहकारनगर पोलिसांनी १८ वर्षीय दोन अल्पवयीन मुलांवर गुन्हा दाखल केला. याबाबत १४ वर्षीय अल्पवयीन मुलीने सहकारनगर पोलीस ठाण्यात तक्रार दिली आहे.

पोलिसांच्या माहितीनुसार, पीडीत मुलगी एका शाळेत आहे. नोव्हेंबर महिन्यापासून तिचा एक मुलगा पाठलाग करत होता. मुलीला अडवून “तू मला आवडते. माझ्यासोबत बोलली नाही, तर समाजात तुझी बदनामी करेल”, अशी धमकी त्याने दिली होती. यामुळे मुलीने पालकांना याची माहिती दिली होती. पालकांनी मुलाला व त्याच्यासोबत असलेल्या दुसऱ्या एका मुलाला समज दिली. शनिवारी (७ डिसेंबर) पिडीत मुलगी शाळेत होती. तेव्हा दोघे शाळेत गेले. मुलीला शाळेबाहेर बोलाविले. मुलीला दुचाकीवरुन शाळेच्या परिसरातील मोकळ्या जागेत नेले. तेथे त्यांनी मुलीशी अश्लील कृत्य केले. दुसऱ्याने मोबाइलवर फोटो काढले. नंतर तिला कोणाला काही सांगितल्यास सोशल मिडीयात फोटो व्हायरल करू तसेच तुला आणि तुझ्या भावाला जिवे मारू अशी धमकी दिली. त्यांच्या धमकीमुळे घाबरलेल्या मुलीने अखेर पोलिसांकडे तक्रार दिली. वरिष्ठ निरीक्षक छगन कापसे यांच्या मार्गदर्शनाखाली उपनिरीक्षक काळे तपास करत आहेत.

हे सुद्धा वाचा : तरुणीला VIDEO व्हायरल करण्याची भिती दाखवली अन्…; पुण्यातील धक्कादायक प्रकार

महिलेशी अश्लील कृत्य करणाऱ्या कार चालकावर गुन्हा

आयशर टेम्पोचा कारला धक्का लागल्यानंतर डाव्या बाजूचा काच फुटला. तेव्हा चालकाला जाब विचारत असताना आयशर टेम्पो चालकाने दाम्पत्याला शिवीगाळ केली. तसेच, महिलेला धक्काबुक्की केल्याची घटना कल्याणीनगर भागात घडली. याप्रकरणी ४२ वर्षीय चालकावर विनयभंग तसेच धक्काबुक्की केल्याप्रकरणी गुन्हा दाखल करण्यात आला. याप्रकरणी ३६ वर्षीय व्यक्तीने येरवडा पोलिसांत तक्रार दिली आहे. कल्याणीनगर भागातून रविवारी (८ डिसेंबर) रात्री साडेआठच्या सुमारास ही घटना घडली.

पुणे शहर तसेच उपनगरात अल्पवयीन मुलींसह महिलांची छेडछाड काढणे तसेच अश्लील कृत्य करण्याच्या घटनांत वाढ झाली आहे. अशा घटनांना वाचा फोडण्यासाठी शाळांमध्ये समुपदेशन करण्यात येत आहे. शाळा परिसरात कोणी छेड काढली किंवा अश्लील कृत्य केल्यास त्वरीत पोलिसांकडे तक्रार देण्याचे आवाहन करण्यात आले आहे.

Web Title: The case of 2 boys abusing a school girl has come to light nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com