Asia Cup rising Stars 2026 Points Table
भारताने प्रथम फलंदाजी करत नेपाळला ३३३ धावांचे लक्ष्य दिले होते. प्रत्युत्तरात, नेपाळ संघ अवघ्या २६ धावांवर सर्वबाद झाला. या सामन्यात तिलकने तिलकने शानदार शतक झळकावले. या महत्त्वपूर्ण विजयाचा भारतीय संघाला गुणतालिकेतही फायदा झाला. तसेच, पाकिस्तान दुसऱ्या स्थानावर ढकलला घसरला.
भारत ‘अ’ संघाने नेपाळला ३०६ धावांनी पराभूत करून दोन गुण मिळवले. ‘ब’ गटामध्ये भारत, पाकिस्तान, युएई आणि नेपाळ यांचा समावेश आहे. ‘ब’ गटाच्या गुणतालिकेत भारताने अव्वल स्थान पटकावले. भारताचा नेट रन रेट ६.१२० आहे. दुसरीकडे, पाकिस्तान दोन गुणांसह दुसऱ्या स्थानावर आहे, परंतु त्यांचा नेट रन रेट १.२२० आहे. या गटात संयुक्त अरब अमिराती (UAE) तिसऱ्या तर, नेपाळ चौथ्या स्थानावर आहे. आतापर्यंत, भारत आणि पाकिस्तान या दोघांनीही आपला पहिला सामना जिंकून दोन गुण मिळवले आहेत. नेपाळला ३०६ धावांनी पराभूत करून भारताने आपला रनरेट लक्षणीयरित्या वाढला आहे. भारत आणि पाकिस्तान यांच्यात २२ नोव्हेंबर रोजी एक ऐतिहासिक सामना होणार आहे. या सामन्याच्या निकालानंतर, पुन्हा एकदा गुणतालिकेत उलटफेर पाहायला मिळू शकतो.
भारताने प्रथम फलंदाजी केली. भारतीय संघाची सुरुवात खराब झाली. अभिषेक शर्मा, वैभव सूर्यवंशी आणि आयुष बडोनी स्वस्तात बाद झाले. त्यानंतर तिलक वर्मा आणि कुमार कुशाग्र यांनी सूत्रे हाती घेतली आणि शानदार शतके झळकावली. कुशाग्रने १०२ चेंडूंमध्ये १० चौकार आणि ५ षटकारांसह ११७ धावांची शानदार खेळी केली.
तिलकने ११३ चेंडूंमध्ये ६ चौकार आणि ४ षटकारांसह १०७ धावा केल्या. या दोघांनी चौथ्या विकेटसाठी २०६ धावांची भागीदारी केली. भारताने अखेरीस ५० षटकांत ९ विकेट्स गमावून ३३२ धावांचा डोंगर उभा केला. ३३३ धावांचे लक्ष्य गाठताना नेपाळचा संघ अवघ्या २६ धावांत सर्वबाद झाला. एकही खेळाडू खेळपट्टीवर टिकू शकला नाही. भारतासाठी प्रिन्सने सर्वाधिक ५ विकेट्स घेतले, तर हर्षितने ४ विकेट्स घेतले. शहबाज अहमदनेही एक विकेट घेतला.






