Pune Theft : चोरट्यांनी वाघोलीत फ्लॅट फोडला; तब्बल ‘इतक्या’ लाखांचा ऐवज लंपास

वाघोली भागात चोरट्यांनी बंद फ्लॅट फोडून ७ लाख १५ हजार रुपयांचा ऐवज लांबविल्याची घटना घडली आहे. या प्रकरणी ३५ वर्षीय महिलेने वाघोली पोलीस ठाण्यात तक्रार दिली आहे. त्यानूसार, अज्ञाताविरूद्ध गुन्हा नोंद केला आहे.

कुलूप तोडून सोन्याचे दागिने लंपास (संग्रहित फोटो)

Follow Us:

Follow Us:

पुणे : वाघोली भागात चोरट्यांनी बंद फ्लॅट फोडून ७ लाख १५ हजार रुपयांचा ऐवज लांबविल्याची घटना घडली आहे. चोरट्याने दरवाज्यावर ठेवलेली चावी घेऊन कुलूप उघडले आणि चोरी केली. चोरटा माहिती असावा असा संशय पोलिसांनी व्यक्त केला आहे. याप्रकरणी ३५ वर्षीय महिलेने वाघोली पोलीस ठाण्यात तक्रार दिली आहे. त्यानूसार, अज्ञाताविरूद्ध गुन्हा नोंद केला आहे.

तक्रारदार वाघोलीतील काळूबाईनगर येथील ‘अश्विनी रेसीडन्सी’ सोसायटीत राहायला आहेत. त्या १७ जून रोजी दुपारी बंद करुन कामानिमित्त घरातून बाहेर पडल्या. त्यांनी फ्लॅटची चावी दरवाज्याजवळ ठेवली होती. चावी ठेवलेल्या जागेची माहिती महिलेच्या कुटुंबीयाना असते. त्यामुळे महिला नेहमी दरवाज्याजवळ असलेल्या जागेत चावी ठेवायची. चोरट्याने दरवाज्याजवळ ठेवलेली चावी घेऊन फ्लॅटचे कुलूप उघडले. बेडरूममधील कपाटातून सोन्याचे दागिने आणि रोकड असा ७ लाख १५ हजार रुपयांचा ऐवज लांबवून चोरटा पसार झाला.

महिला सायंकाळी घरी आली. तेव्हा ऐवज चोरीला गेल्याचा प्रकार उघडकीस आला. अधिक तपास उपनिरीक्षक बागल करत आहेत. अनेकजण फ्लॅटची चावी दरवाज्याजवळील कुंडीत, सापटीत, तसेच पादत्राणे ठेवण्याच्या रॅकमध्ये ठेवतात. चावीची जागी कुटुंबीयांना माहित असते. तीच संधी चोरटे साधतात आणि घरसाफ करत असल्याचे दिसत आहे.

कोंढव्यात घरफोडी

कोंढव्यात फ्लॅटचे कुलूप तोडून चोरट्यांनी २ लाख ५ हजार रुपयांचा ऐवज लांबविल्याची घटना घडली आहे. याबाबत ६० वर्षीय ज्येष्ठ महिलेने कोंढवा पोलिसांत तक्रार दिली आहे. तक्रारदार महिला कोंढवा परिसरातील सोसायटीत राहायला आहेत. त्या १६ जून रोजी सायंकाळी बाहेर पडल्या होत्या. तेव्हा चोरट्यांनी कुलूप तोडून बेडरूममधील कपाटातून २ लाख ५ हजार रुपयांचे सोन्याचे दागिने लांबविले. सहायक निरीक्षक जाधव तपास करत आहेत.

मंदिरातील दानपेटी फोडली

चंदननगरमधील मंदिरातील दानपेटी फोडून चोरट्यांनी १६ हजार रुपयांची रोकड लांबविल्याची घटना घडली. याप्रकरणी चोरट्यांविरुद्ध पोलिसांनी गुन्हा दाखल केला आहे. याबाबत सुखदेव विट्ठल साकोरे (वय ६३, रा. शिवशक्ती चौक, गणेशनगर, वडगाव शेरी) यांनी चंदननगर पोलिसांत तक्रार दिली आहे. वडगाव शेरीतील जुन्या मुंढवा रस्त्यावर संत श्री ज्ञानेश्वर महाराज पादुका मंदिर आहे. चोरट्यांनी मंदिराच्या दरवाज्याचे कुलूप तोडले. मंदिरातील दानपेटीचे कुलूप उचकटून १६ हजारांची रोकड लांबविली. पोलीस उपनिरीक्षक ढावरे तपास करत आहेत.

Web Title: Thieves break into flat in wagholi steal lakhs of rupees

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com