मोठी बातमी! पिंपरीत भरधाव वेगातील क्रेनच्या धडकेत वारकऱ्याचा मृत्यू, देहू-आळंदी रस्त्यावरील घटना

दरम्यान आज वारीची सुरुवात होत असतानाच देहू-आळंदी रस्त्यावर एक दुर्दैवी घटना घडली आहे. ही घटना देहू-आळंदी रोडवर तळवडे येथे बुधवारी दुपारी पावणे बारा वाजताच्या सुमारास घडली.

देहूमध्ये वारकऱ्याचा मृत्यू (फोटो- सोशल मीडिया)

Follow Us:

Follow Us:

पिंपरी: आज देहूमधून श्री संत तुकाराम महाराज यांच्या पालखीचे पंढरपूरकडे प्रस्थान झाले आहे. मुख्यमंत्री देवेंद्र फडणवीस यांच्या हस्ते तुकाराम महाराजांच्या पादुकांचे पूजन करण्यात आले. दरम्यान आज वारीची सुरुवात होत असतानाच देहू-आळंदी रस्त्यावर एक दुर्दैवी घटना घडली आहे. भरधाव वेगातील क्रेनने धडक दिल्यामुळे एका वारकऱ्याचा मृत्यू झाला. ही घटना देहू-आळंदी रोडवर तळवडे येथे बुधवारी दुपारी पावणे बारा वाजताच्या सुमारास घडली.

नारायण गोदवे (57, रा. आहेरगाव, ता. माढा, जि. सोलापूर) असे अपघातात मृत्यू झालेल्या वारकऱ्याचे नाव आहे. ते देहू वरून आळंदीला पायी चालले होते. ते तळवडे येथील शेलार वस्ती जवळ आले असता पाठीमागून भरधाव वेगात आलेल्या क्रेनने त्यांना जोरदार धडक दिली. या अपघातात ते गंभीर जखमी झाले. चिखली पोलिसांनी त्यांना त्वरित वायसीएम रुग्णालयात दाखल केले. मात्र उपचारापूर्वी त्यांचा मृत्यू झाल्याचे डॉक्टरांनी घोषित केले. त्यांच्याजवळ असलेल्या मोबाइल वरून पोलिसांनी त्यांच्या मुलाशी मुंबई येथे संपर्क साधला आहे. पोलिसांनी आरोपी क्रेन चालक याला ताब्यात घेतल्या असून गुन्हा दाखल करण्याचे काम सुरू आहे.

कोथरूडच्या वेदभवनजवळ विचित्र अपघात

राज्यात अपघाताचे प्रमाण वाढले असून, कोथरूड भागातील वेदभवन परिसरात पहाटे विचीत्र अपघाताची घटना घडली आहे. सुदैवाने या अपघातात कोणतीही जिवीतहानी झाली नाही. मात्र, एसटी बसचा चालक अडकला होता. अग्निशमन दलाच्या जवानांनी त्याची सुखरूप सुटका केली. परंतु, त्याच्या पायाला मार लागल्याचे सांगण्यात आले आहे. उत्तम कोकरे (वय ५०, रा. पुणे) असे जखमी झालेल्या एसटी बस चालकाचे नाव आहेत. याप्रकरणी पोलिसांत घटनेची नोंद करण्यात आली आहे.

कोथरूडच्या वेदभवनजवळ विचित्र अपघात; बसचा चालक अडकला अन्…

रविवारी मध्यरात्रीपर्यंत पाऊस सुरू होता. त्यामुळे रस्ता निसरडा झाला होता. त्यात खड्यांमध्ये पाणीही साचले होते. वाहन चालकांना वाहने चालविताना मोठी कसरत करावी लागत होती. दरम्यान, पहाटे पाचच्या सुमारास कोथरूडमधील वेदभवन परिसरात भरधाव कार समोरील एका दुसऱ्या वाहनाला धडकली. यानंतर या कारच्या पाठिमागे असलेला कंटेनर कारवर जाऊन आदळला. कंटेनरच्या पाठिमागे एसटी बस होती. एसटी बसचा वेग जास्त असल्याने नियत्रंण सुटून एसटी बस कंटेनरला जाऊन जोरात आदळली. वेग जास्त असल्याने एसटीचा बसचा समोरचा भाग मोठ्या प्रमाणात दबला गेला होता. त्यात एसटी बसचा चालक अडकला गेला.

Web Title: Warkari accident death dehu alandi road pimpri marathi news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com