दारुड्या भावाचा खून
नागपूर : दारू पिण्यासाठी आईला पैसे मागणाऱ्या तरुणाने शिवीगाळ करत घरात गोंधळ घातल्यानंतर वाद झाला. या झालेल्या वादात धाकट्या भावाने थोरल्या भावावर चाकूने हल्ला केला. गंभीर जखमी मोहन चिंताराम बांते (वय २१) याचा उपचारादरम्यान मृत्यू झाला. कळमना परिसरातील मिनीमातानगर येथे बुधवारी रात्री ही घटना घडली. याप्रकरणी कळमना पोलिसांनी लहान भाऊ समीर बांते (वय १९) याला अटक केली आहे.
मोहनला दारूचे व्यसन होते. तो पैशांसाठी सतत आई-वडिलांकडे तगादा लावत होता. पैसे देण्यास नकार दिल्यास आई-वडिलांना शिवीगाळ करून वाद घालत होता. बुधवारी रात्री ९ वाजता मोहन दारूच्या नशेत घरी परतला. त्याने आईकडे पैशांची मागणी केली. पैसे न मिळाल्याने त्याने आरडाओरड सुरू करून सामानाची नासधूस सुरू केली. हा प्रकार पाहून समीरने त्याला शांत करण्याचा प्रयत्न केला. त्यातून दोघांमध्ये बाचाबाची झाली. मोहनने समीरला चाकूने मारण्याची धमकी दिल्याने परिस्थिती चिघळली.
पुणे रेल्वे स्थानकात बुकिंग क्लार्कवर चाकूने सपासप वार; तब्बल 150 सीसीटीव्ही तपासणीनंतर टोळीला पकडले
संतापलेल्या समीरने मोहनवर चाकूने वार केले. यात मोहनच्या हातावर, पोटावर, पाठीत आणि मानेजवळ गंभीर जखमा झाल्या. गंभीर जखमी झालेला मोहन कोसळला. घटनेनंतर नातेवाईकांनी त्याला तातडीने रुग्णालयात नेले. मात्र, उपचार सुरू असतानाच त्याची प्रकृती खालावली. घटनेनंतर अवघ्या तीन ते चार तासांत डॉक्टरांनी त्याला मृत घोषित केले.
आईनेच दिली पोलिसांत तक्रार
मोहनच्या आईने दिलेल्या तक्रारीवरून कळमना पोलिसांनी समीरविरुद्ध खुनाचा गुन्हा दाखल केला. पोलिसांनी त्याला अटक केली आहे. हल्ल्यात वापरलेल्या चाकूसह घटनेमागील अन्य बाबींचा तपास केला जात आहे.
बुकिंग क्लार्कवर चाकूने सपासप वार
पुणे रेल्वे स्थानकातील बुकिंग क्लार्कवर (सीसीटीसी) चाकूने वार करुन लुटमार करणार्या टोळीला बंडगार्डन पोलिसांनी सापळा रचून डोंबिवलीतून अटक केली आहे. पोलिसांनी या भागातील तब्बल १५० सीसीटीव्ही कॅमेरे तपासून आरोपींचा माग काढून त्यांना बेड्या ठोकल्या आहेत. चाकणला जाण्यासाठी लाईनमध्ये आल्यानंतर सीसीटीसीने आई-बहिणीवरून शिवीगाळ केल्याच्या रागातून हल्ला केल्याचे समोर आले आहे.
.png "Videos"){kind=small}
