Maharashtra Assembly Elections 2024: 288 जागांवर 7995 उमेदवार रिंगणात, महायुती-मविआमध्ये किती जागांवर कोण लढणार?

Maharashtra Elections : महाराष्ट्राच्या मुख्य निवडणूक अधिकाऱ्यांनी दिलेल्या माहितीनुसार, 20 नोव्हेंबर रोजी होणाऱ्या निवडणुकीसाठी 7,995 उमेदवारांनी निवडणूक आयोगाकडे 10,905 उमेदवारी अर्ज दाखल केले आहेत.

महाराष्ट्र विधानसभा निवडणुकीसाठी 22 ऑक्टोबरपासून सुरू झालेली उमेदवारी प्रक्रिया मंगळवारी म्हणजेच 29 ऑक्टोबर रोजी शेवटचा दिवस होता. दरम्यान, 288 विधानसभा जागांसाठी 7995 उमेदवारांनी अर्ज दाखल केले. यामध्ये सत्ताधारी आणि विरोधी गटातील प्रमुख राजकीय पक्षांसह अपक्षांचा समावेश आहे. भाजप 148 तर काँग्रेस 103 जागांवर निवडणूक लढवत आहे.

राज्याचे मुख्य निवडणूक अधिकारी यांच्या कार्यालयातून प्रसिद्ध झालेल्या माहितीनुसार, २० नोव्हेंबर रोजी होणाऱ्या विधानसभा निवडणुकीसाठी ७९९५ उमेदवारांनी १०९०५ उमेदवारी अर्ज दाखल केले आहेत. नामनिर्देशनपत्रांची पडताळणी आणि छाननी आज ३० ऑक्टोबर रोजी होणार आहे. ४ नोव्हेंबर दुपारी ३ वाजेपर्यंत उमेदवारांना नावे मागे घेता येतील. 2019 मध्ये 5543 उमेदवारी अर्ज दाखल झाले होते. पडताळणीनंतर ३२३९ उमेदवारांचे कागदपत्र वैध आढळले, त्यानंतर त्यांनी विधानसभा निवडणूक लढवली.

See more

Maharashtra Election Commission released a press note informing that 10905 nomination papers of 7995 candidates have been filed till 29 October 2024 for the elections in 288 constituencies of the Maharashtra Legislative Assembly. pic.twitter.com/vZH1qNQbyg

— ANI (@ANI) October 29, 2024

शिवसेनाचे (शिंदे गट) 80 जागांवर उमेदवार

मुख्यमंत्री एकनाथ शिंदे यांच्या नेतृत्वाखालील शिवसेनेने 80 जागांवर उमेदवार उभे केले आहेत. तर उपमुख्यमंत्री अजित पवार यांच्या राष्ट्रवादीने 53 उमेदवार उभे केले आहेत. पाच जागा महायुतीच्या इतर मित्रपक्षांना देण्यात आल्या, तर दोन जागांवर कोणताही निर्णय झाला नाही.

हे सुद्धा वाचा: अखेर 36 तासांननंतर श्रीनिवास वनगा घरी परतले पण….

MVA मध्ये काँग्रेस सर्वाधिक जागा लढवणार

त्याच वेळी, विरोधी महाविकास आघाडी (MVA), काँग्रेस 103 जागांवर लढत आहे, त्यानंतर उद्धव ठाकरे यांच्या नेतृत्वाखालील शिवसेना (UBT) 89 जागांवर आणि NCP (SP) 87 जागांवर लढत आहे. इतर MVA मित्रपक्षांना सहा जागा देण्यात आल्या, तर तीन विधानसभा मतदारसंघांबाबत कोणताही निर्णय झालेला नाही.

नाशिकमध्ये शेवटच्या दिवशी 255 उमेदवारांनी अर्ज भरले

नाशिक जिल्ह्यात 361 उमेदवारांनी 506 अर्ज दाखल केले आहेत. त्यापैकी 255 उमेदवारांनी मंगळवारी अर्ज दाखल केले. प्रमुख उमेदवारांमध्ये मालेगाव बाह्यमधून कॅबिनेट मंत्री दादा भुसे (शिवसेना) आणि येवल्यातून छगन भुजबळ (राष्ट्रवादी), नांदगावमधून सुहास कांदे (शिवसेना), नाशिक पूर्वमधून राहुल ढिकले (भाजप), नाशिक मध्यचे माजी आमदार वसंत गिते (भाजप) यांचा समावेश आहे. शिवसेना-यूबीटी) आणि विद्यमान आमदार सरोज अहिरे (राष्ट्रवादी) देवळालीतून निवडणूक लढवत आहेत.

हे सुद्धा वाचा: ‘भारतीय जनता पक्षाचे काम बोलते, सरकारच्या योजना तळागाळापर्यंत पोहोचल्या’; राम सातपुते यांचं विधान

किती विद्यमान आमदारांची तिकिटे कापली?

मिळालेल्या माहितीनुसार, भाजप आणि काँग्रेस या दोन्ही पक्षांनी विद्यमान आमदारांची तिकिटे रद्द केली आहेत. सत्ताधारी भाजपने आपल्या आठ विद्यमान आमदारांना तिकीट दिले नाही. त्याचवेळी काँग्रेसने पाच विद्यमान आमदारांची तिकिटे रद्द केली. अजित पवार आणि शरद पवार यांनी यावेळी त्यांच्या पक्षाच्या दोन विद्यमान आमदारांना उमेदवारी दिली नाही. मुख्यमंत्री एकनाथ शिंदे यांच्या नेतृत्वाखालील शिवसेनेने दोन वगळता जवळपास सर्वच आमदारांना पुन्हा रिंगणात उतरवले आहे.