गुरुवार, 17 सप्टेंबर 2026
Anil Kapoor: “दोन मुली म्हणजे दुप्पट बोनस!” (फोटो सौजन्य- सोशलमीडिया)
शोच्या शूटिंग दरम्यान एक किस्सा घडला. एका स्पर्धकाने सांगितलं की त्याने आपल्या कुटुंबासाठी कामातून ब्रेक घेतला आहे. कुटुंबाला वेळ देणं जास्त गरजेचं आहे.हे ऐकून अनिल कपूरला त्याच्या जुन्या दिवसांची आठवण झाली. तो खूप भावूक झाला.
त्याने त्याच्या आयुष्यातला सगळ्यात कठीण क्षण सगळ्यांना सांगितला.अनिल म्हणाले की, “खूप लोकांना वाटतं मी माझ्या कुटुंबासाठी काम करतो. पण खरं तर कुटुंबाला वेळ देणं किती महत्वाचं आहे, हे मी आता शिकतोय. माझे जावई बघा, ते काम आणि कुटुंब दोन्हीला वेळ देतात. पण मी जेव्हा तुमच्या वयाचा होतो, तेव्हा मी हे करू शकलो नाही.”रियाच्या जन्माच्या वेळी मी हॉस्पिटलमध्ये नव्हतो.
पुढे अनिलने एक गोष्ट सांगितली जी ऐकून सगळेच शांत झाले. तो म्हणाला, “जेव्हा माझी दुसरी मुलगी रिया जन्माला येणार होती, तेव्हा मी शूटिंगमध्ये अडकलो होतो. मी रात्रभर शूट करत होतो आणि मला झोप लागली. जेव्हा मी उठलो तेव्हा रिया जन्माला आली होती. मी हॉस्पिटलमध्ये वेळेवर पोहोचू शकलो नाही. मी उशिरा पोहोचलो.
या गोष्टीसाठी मी आजपर्यंत स्वतःला माफ करू शकलो नाही.”तो पुढे म्हणाला, “मुलगी होणं म्हणजे नशीबच आहे, एक बोनस आहे. आणि माझ्याकडे तर दोन मुली आहेत, सोनम आणि रिया. म्हणजे माझ्यासाठी हा डबल बोनस आहे.”अनिलच्या या बोलण्याने तिथे असलेल्या सगळ्यांच्या डोळ्यात पाणी आलं.
हा शो फक्त स्टेजवरच्या 100 लोकांसाठी नाहीये. तुम्ही घरबसल्या पण यात भाग घेऊ शकता. JioHotstar वर Play Along चा ऑप्शन असणार आहे. तुम्ही घरी बसून प्रश्नांची उत्तरं देऊ शकता आणि स्मार्ट टीव्ही, स्मार्टफोन अशी बक्षिसं जिंकू शकता.यात तुमच्या हुशारीची, तुमच्या डोक्याची परीक्षा होणार आहे. तुम्ही खरंच इंडियाच्या टॉप 1% मध्ये येता का, हे तुम्हाला कळेल.तर 19 सप्टेंबर रात्री 8 वाजता विसरू नका, Star Plus आणि JioHotstar वर अनिल कपूरचा धमाकेदार शो. अनिलची एनर्जी आणि त्याच्या मनातल्या गोष्टी ऐकण्यासाठी हा शो नक्की बघा.
