(फोटो सौजन्य- सोशल मीडिया)
Drishyam 3: अजय देवगणच्या ‘दृश्यम’ फ्रँचायझीच्या तिसऱ्या भागाची प्रेक्षक आतुरतेने वाट पाहत आहेत. ‘Drishyam: The Conclusion’ हा चित्रपट २ ऑक्टोबर २०२६ रोजी चित्रपटगृहात प्रदर्शित होणार आहे. ‘दृश्यम’ फ्रँचायझीतील हा तिसरा आणि अंतिम भाग असल्याचं निर्मात्यांनी स्पष्ट केलं आहे.
‘दृश्यम’चा पहिला भाग २०१५ मध्ये प्रदर्शित झाला होता, तर ‘दृश्यम २’ २०२२ मध्ये प्रेक्षकांच्या भेटीला आला. आता अजय देवगण पुन्हा एकदा विजय साळगावकरच्या भूमिकेत दिसणार आहे. ९ सप्टेंबरला चित्रपटाचा ट्रेलर रिलीज झाला असून त्यानंतर चित्रपटाबद्दलची उत्सुकता आणखी वाढली आहे.
‘Drishyam: The Conclusion’ या नावामुळेच हा चित्रपट विजय साळगावकरच्या कथेचा शेवट असल्याचं संकेत मिळतात. मात्र, ‘दृश्यम ३’नंतर चौथा भाग येणार का, असा प्रश्न चाहत्यांच्या मनात आहे.
दिग्दर्शक अभिषेक पाठक यांनी हिंदुस्तान टाइम्सला दिलेल्या मुलाखतीत याबाबत स्पष्ट उत्तर दिलं आहे. हिंदी ‘दृश्यम ४’ बनण्याची शक्यता काय, असं विचारण्यात आलं असता त्यांनी थेट “Zero” असं उत्तर दिलं. त्यांनी पुढे आपण ‘दृश्यम ४’ लिहिणार नसल्याचंही स्पष्ट केलं.
अभिषेक पाठक यांच्या मते, ‘Drishyam: The Conclusion’ हा विजय साळगावकरच्या कथेचा योग्य शेवट आहे. या चित्रपटासाठी त्यांनी आणि टीमने खूप मेहनत घेतली असून केवळ पैशांसाठी पुढचा भाग बनवण्याचा त्यांचा हेतू नसल्याचं त्यांनी सांगितलं.
त्यामुळे सध्या तरी अजय देवगणच्या हिंदी ‘दृश्यम’ फ्रँचायझीचा प्रवास तिसऱ्या भागासोबतच संपणार असल्याचं स्पष्ट झालं आहे.
Abhay Jodhpurkar: ‘अवतरली… लाडाची… नवसाची गौराई…!’ सिंगर अभय जोधपूरकरचा राष्ट्रीय पुरस्काराने सन्मान
विशेष म्हणजे, अजय देवगणचा ‘Drishyam: The Conclusion’ हा मोहनलालच्या मल्याळम ‘Drishyam 3’चा थेट रिमेक नाही. अभिषेक पाठक यांनी सांगितल्याप्रमाणे हिंदी चित्रपटाची कथा वेगळी आणि स्वतंत्र आहे.
चित्रपटात अजय देवगणसोबत तब्बू, श्रिया सरन, राजत कपूर, इशिता दत्ता आणि मृणाल जाधव पुन्हा दिसणार आहेत. जयदीप अहलावत, प्रकाश राज आणि सौरभ शुक्ला हे कलाकार नव्या भूमिकांमध्ये दिसतील.
आता विजय साळगावकर या सगळ्या संकटातून आपल्या कुटुंबाला कसं वाचवणार आणि त्याच्या कथेचा शेवट नेमका कसा होणार, याची उत्सुकता प्रेक्षकांना आहे.
.png "Videos"){kind=small}
