शुक्रवार, 6 नोव्हेंबर 2026
तारक मेहताच्या चाहत्यांना मोठी संधी
1 ऑगस्ट ते 21 ऑगस्ट दरम्यान झालेल्या या क्विझमध्ये देशभरातील लाखो प्रेक्षकांनी सहभाग घेतला, ज्यामुळे चाहत्यांना त्यांच्या आवडत्या शो ‘TMKOC’, त्यातील पात्रं आणि गोकुळधाम सोसायटीच्या जगाचा उत्सव साजरा करण्याची संधी मिळाली. विजेत्यांची घोषणा सुरू असून डॉ. विनीत कुमार, डॉ. महालक्ष्मी अय्यर, खुशबू अमित ठक्कर, प्रज्ञा संजय गणात्रा आणि त्यांचे कुटुंब मुंबई मधून विजेत्या कुटुंबांमध्ये घोषित झाले आहेत.
TMKOC क्लब हाऊस अॅपवर लाईव्ह होस्ट करण्यात आलेल्या, शोच्या अधिकृत डिजिटल साथीदाराच्या या क्विझने भारतातील चाहत्यांना गोकुळधाम सोसायटी आणि तिच्या प्रिय रहिवाशांबद्दलचे ज्ञान रिअल टाइममध्ये तपासण्याची संधी दिली. क्विझच्या पलीकडे, अॅप चाहत्यांना त्यांच्या आवडत्या TMKOC पात्रांवर आधारित मिनी-गेम टूर्नामेंट्सद्वारे रोमांचक बक्षिसे देत राहतो, ज्यामुळे TMKOC विश्वाला एक नवीन आणि इंटरॅक्टिव्ह परिमाण मिळते.
डॉ. विनीत कुमार, डॉ. महालक्ष्मी अय्यर, खुशबू अमित ठक्कर, प्रज्ञा संजय गणात्रा आणि त्यांचे कुटुंब गोकुळधाम सोसायटीच्या आयकॉनिक सेटला भेट देण्याची, तारक मेहता का उल्टा चश्माच्या शूटिंगचा जवळून अनुभव घेण्याची आणि शोच्या 18 वर्षांच्या टप्प्याचा कलाकारांसोबत उत्सव साजरा करण्याची खास संधी मिळवतील, जसे क्विझच्या अटींमध्ये नमूद केले आहे. हा अनुभव सोनी सब आणि नीला फिल्म प्रॉडक्शन्स यांच्या संयुक्त सौजन्याने आयोजित केला जात आहे.
याबाबत असित कुमार मोदी, क्रिएटर आणि प्रोड्यूसर, तारक मेहता का उल्टा चश्मा यांनी आनंद व्यक्त करत म्हटले की, ‘या क्विझसाठी आमच्या प्रेक्षकांनी दाखवलेलं प्रेम खरोखरच जबरदस्त आहे. अठरा दिवस देशभरातील कुटुंबांनी आमच्यासोबत 18वा वर्धापनदिन साजरा केला आणि हेच आमच्यासाठी सर्वात मोठं बक्षीस आहे तारक मेहता का उल्टा चश्मामध्ये. यामुळे आमचा विश्वास पुन्हा दृढ होतो की हा शो खरोखरच प्रत्येक भारतीय घराचा भाग बनला आहे. सहभागाच्या प्रमाणामुळे प्रेरित होऊन आम्ही आमची मूळ योजना वाढवली आहे आणि 18 पेक्षा अधिक कुटुंबांना गोकुळधाम सोसायटीला भेट देण्यासाठी आमंत्रित करण्याचा निर्णय घेतला आहे.
तर अजय भालवणकर, चीफ कंटेंट ऑफिसर, सोनी सब यांनी सांगितले की, ‘तारक मेहता का उल्टा चश्माने वर्षानुवर्षे प्रेक्षकांशी एक खास नातं निर्माण केलं आहे आणि क्विझला मिळालेला प्रतिसाद त्या नात्याचा पुरावा आहे. TMKOCच्या 18 वर्षांचा उत्सव साजरा करण्यासाठी कुटुंबांना एकत्र येताना पाहणं खूप आनंददायी होतं. सोनी सबमध्ये आम्ही या टप्प्याला प्रेक्षकांना शो पाहण्याच्या पलीकडे जाऊन गोकुळधाम सोसायटीचा अनुभव घेण्याची संधी देऊन साजरा करत आहोत.’
क्विझचे निकाल दररोज जाहीर केले जात आहेत आणि विजेते कोण आहेत हे जाणून घेण्यासाठी प्रेक्षकांना सोनी सबवरील तारक मेहता का उल्टा चश्मा पाहण्याचं आवाहन करण्यात येत आहे. विजेत्यांची संपूर्ण यादी TMKOC क्लब हाऊस अॅपवर पुढील काही दिवसांत शेअर केली जाईल. सर्व विजेत्यांशी पुढील औपचारिकतेसाठी तारक मेहता का उल्टा चश्मा टीमकडून वैयक्तिकरित्या संपर्क साधला जाईल.
१८ वर्षांनंतर ‘तारक मेहता…’मध्ये मोठा बदल? जेठालालचे सीन कमी होणार की नाही, मेकर्सनी सांगितलं सत्य
