(फोटो सौजन्य- सोशल मीडिया)
‘अफरातफरी’च्या ट्रेलरमध्ये एक कोटी रुपये मिळवण्यासाठी तीन भाऊ कोणकोणत्या खेळी खेळतात, याची झलक पाहायला मिळते. एका बाजूला मोठी रक्कम मिळवण्याची धडपड आहे, तर दुसरीकडे परिस्थिती आपल्या बाजूने वळवण्यासाठी प्रत्येक जण वेगवेगळे डाव आखताना दिसतो.
पैशांच्या हव्यासापायी तीन भावांमध्ये नेमकं काय घडतं? तिघेही एकाच दिशेने धावत आहेत की प्रत्येकाचा वेगळाच डाव आहे? या प्रश्नांची उत्सुकता ट्रेलर पाहिल्यानंतर आणखी वाढते.
ट्रेलरमध्ये कथेशी संबंधित अनेक गोष्टींचे संकेत देण्यात आले आहेत, मात्र त्यांची उत्तरं मात्र गुप्त ठेवण्यात आली आहेत. तात्यांच्या मृत्यूमागचं खरं सत्य काय? एक कोटींची पॉलिसी खरंच भावांच्या हातात येणार का? पैशांसाठी सुरू झालेली ही धावपळ कुठे जाऊन थांबणार? आणि या सगळ्या खेळात कोण कोणाला गंडवणार?
या प्रश्नांची उत्तरं चित्रपट पाहिल्यानंतरच मिळणार आहेत.
विनोद आणि गोंधळाची रंगत
शशांक शेंडे, संजय नार्वेकर, ओंकार भोजने, मोहन आगाशे, नेहा खान, प्राजक्ता हनमघर, आसावरी जोशी, हेमंत पाटील, किरण माने आणि कुणाल मेश्राम यांच्या व्यक्तिरेखांची झलक ट्रेलरमध्ये पाहायला मिळते.
कलाकारांचे संवाद, गैरसमज आणि वेगवेगळ्या प्रसंगांमधून निर्माण होणारा विनोद चित्रपटाच्या गोंधळात आणखी रंग भरताना दिसतो. मात्र या सगळ्या हास्याच्या मागे एक प्रश्न कायम राहतो—एक कोटींची रक्कम अखेर कुणाच्या पदरात पडणार?
दिग्दर्शक मिलिंद झुंबर कवडे काय म्हणाले?
दिग्दर्शक मिलिंद झुंबर कवडे म्हणाले, “टिझरमधून आम्ही ‘अफरातफरी’ची सुरुवात दाखवली होती, तर ट्रेलरमधून या गोंधळामागची खरी गंमत आणि पात्रांची धावपळ थोडी अधिक उलगडते. एक कोटी रुपयांची रक्कम ही या कथेतील प्रत्येकाच्या निर्णयाला वेगळी दिशा देते. प्रत्येक पात्राला वाटतंय की आपला डाव बरोबर आहे, पण या सगळ्या डावपेचांचा शेवट नेमका कुठे होतो, हे चित्रपट पाहिल्यावरच कळेल.”
पुढे ते म्हणाले, “प्रेक्षकांनी ट्रेलरमध्ये दिसणाऱ्या प्रत्येक प्रसंगाकडे एक कोडं म्हणून पाहावं, कारण पुढच्या क्षणी काय घडेल, याचा अंदाज लावणं तितकंच मजेदार आहे. या गोंधळात प्रेक्षकांना मनसोक्त हसवण्याचा आमचा प्रयत्न आहे.”
मिलिंद झुंबर कवडे दिग्दर्शित ‘अफरातफरी’ची निर्मिती अ स्कायलाइन सिनेमॅटिक आणि येन मुव्ही स्टुडिओज यांनी केली आहे. आऊट ऑफ द बॉक्स फिल्म्सच्या सहयोगाने हा चित्रपट प्रेक्षकांच्या भेटीला येणार आहे.
‘अफरातफरी’ ९ ऑक्टोबर रोजी चित्रपटगृहात प्रदर्शित होणार आहे. आता एक कोटी रुपयांसाठी सुरू झालेल्या या गोंधळाचा शेवट नेमका कसा होतो, हे पाहण्यासाठी प्रेक्षकांना चित्रपटाच्या रिलीजची प्रतीक्षा आहे.
Abhay Jodhpurkar: ‘अवतरली… लाडाची… नवसाची गौराई…!’ सिंगर अभय जोधपूरकरचा राष्ट्रीय पुरस्काराने सन्मान
.png "Videos"){kind=small}
