Aai Tuljabhavani Marathi Serial: (फोटो सौजन्य- सोशलमीडिया)
कलर्स मराठीवरील लोकप्रिय पौराणिक मालिका ‘आई तुळजाभवानी‘मधील ‘चातुर्मास पर्व’ या विशेष भागांमध्ये प्रेक्षकांना अत्यंत थरारक आणि रोमांचक वळण पाहायला मिळत आहे. आदिशक्तीचा अंश असलेल्या तुळजाईने महिषासूर आणि असुरिकेच्या असुरी शक्तींचा बिमोड करण्यासाठी घेतलेली आक्रमक भूमिका सध्या प्रेक्षकांचे लक्ष वेधून घेत आहे. आश्विन शुद्ध दशमीच्या या पवित्र पर्वावर सुरू असलेला हा महासंग्राम मालिकेच्या कथानकाला एका अत्यंत रंजक शिखरावर घेऊन जात आहे. Aai Tuljabhavani Marathi Serial:
या महायुद्धात मालिकेतील अनेक महत्त्वपूर्ण घडामोडी समोर आल्या आहेत, ज्यामध्ये तुळजाईने स्वतः महिषासुराच्या छावणीत जाऊन दिलेले थेट आव्हान, अमरबंधाच्या अभेद्य कवचांमुळे असुरिकेवर सुरुवातीला होणारे निष्फळ वार आणि त्यातून असुरी टोळीचा वाढलेला फाजील आत्मविश्वास यांचा कडेलोट झाला आहे,अश्या परिस्थितीत जेव्हा असुरिका आपल्या प्राणांवर अमरबंधाचे अभेद्य कवच असल्याचा अहंकार बाळगून तिचा अंत अशक्य असल्याचे सांगते, तेव्हा तुळजाई अत्यंत दिव्य आणि रौद्र रूपात तिला थेट प्रत्युत्तर देते”
मी त्या आदिशक्तीचा अंश आहे, ज्यांच्या लीलेत असुरी मायेचा अंत आहे! आश्विन शुद्ध दशमीला तुझ्या पापांचाही अंत निश्चित आहे!”. या संवादादरम्यान तुळजाई डोळे मिटून हातात दैवी धनुष्यबाण प्रगट करते आणि प्रत्यंचा ताणते. तुळजाई असूरिकेला अमृत थेंब प्राशनापासून ब्रम्हदेवांच्या वरदानापर्यंत मिळालेले अमरत्व, समस्त ब्रम्हांडातल्या वैश्विक उर्जेला एकत्र करत महाउर्जेचा एक गोळा निर्माण करून भेदण्याचा ठरवते. हा दिव्य क्षण अत्यंत अद्भुत आहे.
तुळजाईने महाशक्तिशाली बाण सोडताच असुरिकेचे डोळे विस्फारतात आणि अमरबंध तुटताच जे घडते ज्याची कल्पना कोणीच केलेली नसते. या असूरिकेच्या अंताला महिषासुराची पत्नी शुंभाची बहीण वंचिकाची साथ मिळते, तीही ही एक विलक्षण दैवी लीला आहे, शुक्राचार्यांनी केलेला अमरबंध विधी निष्प्रभ करण्याचा वंचिकाचा प्रयत्न थरारक आहे. एकूण असुरी लीलेवरची दैवी लीलेची मात प्रेक्षकांना आगळावेगळा रोमांचक अनुभव देणारी आहे.
Khagras Marathi Movie: नावातच गूढ, पोस्टरमध्ये रहस्य! ‘खग्रास’ चित्रपटाची पहिली झलक समोर
असुरिकेचा अंत आणि महिषासुराच्या पराभवानंतर तुळजापुरात विजयाचा जल्लोष होणार आहे. मात्र यात प्रारब्धाची एक गूढ रचना समोर येते,ज्यात असुरी शक्तीच्या पराभवानंतरही काळ्या शक्तीचा अंश अजूनही देवीची सखी पद्माच्या शरीरात अडकलेला असतो, ज्यामुळे पद्माची प्रकृती खालावतच चालली आहे.
या नव्या आव्हानावर मात करत तुळजाई आता काय पाऊल उचलणार, असुरी शक्तीच्या कायमच्या पायबंदासाठी ती बालरूपातून आपल्या मूळ रूपात केव्हा परतणार हे पाहणे उत्सुकतेचे ठरणार आहे. तेव्हा हे जाणून घेण्यासाठी पहा ‘आई तुळजाभवानी’ दररोज रात्री ८:५० वाजता कलर्स मराठीवर आणि कधीही कुठेही JioHotstar वर.
.png "Videos"){kind=small}
