(फोटो सौजन्य -इन्स्टाग्राम)
मराठी इंडस्ट्रीतील लोकप्रिय अभिनेत्री नंदिता पाटकर लग्नबंधनात अडकल्याची माहिती मिळत आहे. या बातमीने तिने तिच्या चाहत्यांना सुखद धक्का दिला आहे. नंदिता पाटकर नुकतीच लग्नबंधनात अडकली आहे. विपुल महागावकरशी तिने लग्नगाठ बांधली. त्यांच्या लग्नाचे फोटो राजश्री मराठीच्या इन्स्टाग्राम अकाऊंटवर पोस्ट करण्यात आले आहेत.
नंदिता पाटकर ही मराठी मनोरंजनसृष्टीतील लोकप्रिय अभिनेत्री आहे. एलिझाबेथ एकादशी, सहकुटुंब सहपरिवार अशा अनेक लोकप्रिय प्रोजेक्टमध्ये काम करून तिने प्रेक्षकांची मनं जिंकली आहेत. नंदिताचं हे दुसरं लग्न आहे. काही वर्षांपूर्वी तिचा घटस्फोट झाला आहे. घटस्फोटाबाबत तिने अनेक वर्षांनी काही महिन्यांपूर्वीच खुलासा केला होता.
आरपारला दिलेल्या मुलाखतीत अभिनेत्री नंदिता पाटकर म्हणाली की, इंडस्ट्रीत येताच त्यांचा वेगळेपणा झाला. त्या काळात ती एकटी राहायची आणि सर्व काही स्वतः हँडल करायचं होतं. एकटेपणाचा अनुभव खूप कठीण होता. त्या फेजमध्ये स्वतःची काळजी घेणं आणि नेहमी हसरा चेहरा ठेवणं ही तिच्यासाठी खूप मेहनतीची गोष्ट होती.
काही दिवसांपूर्वीच अभिनेत्री नंदिता पाटकर ने एका मुलाखतीत तिच्या पहिल्या लग्नाबद्दल खुलासा केला. काही कारणांमुळे हे लग्न टिकू शकलं नव्हतं आणि त्या काळात तिला वैयक्तिक आयुष्यात कठीण अनुभव यावा लागला. अभिनय क्षेत्रात पाऊल टाकतानाच तिचं वैयक्तिक आयुष्य एका वेगळ्या वळणावर गेले.
लग्नानंतर काही काळातच ती पतीपासून विभक्त झाली. या अनुभवाबद्दल बोलताना नंदिता पाटकर ने सांगितलं की “घटस्फोट” हा शब्द आजही तिला अस्वस्थ करतो.
आजच्या तरुण दिग्दर्शकांच्या यादीत विपुल महागावकर हे नाव विशेष ओळखलं जातं. ‘पै पैशाची गोष्ट’ आणि ‘उध्वस्त धर्मशाळा’ सारख्या नाटकांमधून त्यांनी स्वतःची स्वतंत्र छाप सोडली आहे.
विपुल यांचा प्रवास सोपा नव्हता; त्यांनी सुरुवात बॅकस्टेज आर्टिस्ट म्हणून केली. आंतरमहाविद्यालयीन स्पर्धांमध्ये नाटकाचे बारकावे शिकून त्यांनी अनुभव मिळवला. एका मुलाखतीत ते म्हणाले की, स्वभावानं ते अंतर्मुख असल्यामुळे स्वतःला व्यक्त करण्यासाठी त्यांनी नाटक या माध्यमाची निवड केली.
.png "Videos"){kind=small}
