(फोटो सौजन्य - इन्स्टाग्राम)
मालिकेच्या लाँच आठवड्यात एक अनोखा आणि विक्रमी उपक्रमही राबवण्यात आला. पमा परब आणि तिच्या कुटुंबाने ७००० हून अधिक स्वामी भक्तांसह ‘श्री स्वामी समर्थ तारक मंत्र’चे सामूहिक पठण करत ‘वर्ल्ड रेकॉर्ड्स बुक ऑफ इंडिया’मध्ये आपली नोंद केली. या उपक्रमामुळे मालिकेला एक वेगळी ओळख मिळाली आणि प्रेक्षकांमध्ये मालिकेबद्दलची उत्सुकता आणखी वाढली.
आता मालिकेच्या दुसऱ्या आठवड्यात प्रेक्षकांसाठी आणखी एक मोठा ट्विस्ट आणि सरप्राईज पाहायला मिळणार आहे. आपल्या दमदार अभिनयासाठी ओळखला जाणारा अभिनेता चिन्मय मांडलेकर ‘सनई चौघडे’मध्ये ‘सत्यजीत’ या महत्त्वपूर्ण भूमिकेत एन्ट्री करत आहे. त्याच्या आगमनामुळे मालिकेतील नातेसंबंध आणि कथानकाला एक नवं वळण मिळणार आहे.
भारतासह परदेशातही Dhurandhar 2 घालतोय धुमाकूळ; 14 व्या दिवशी चित्रपटाची कोटींची कमाई
सध्या कथानकात शर्वरी नोकरीच्या शोधात मुलाखती देताना दिसत आहे. योगायोगाने ती ज्या कंपनीत इंटरव्ह्यू देते, ती कंपनी सत्यजीतचीच निघते. याचदरम्यान जय खानोलकरही एका बिझनेस डीलसाठी सत्यजीतला भेटायला येतो. या तिघांच्या भेटीतून कथानकात नवा संघर्ष आणि नाट्य निर्माण होणार आहे. आता शर्वरीला ही नोकरी मिळणार का? सत्यजीतच्या आगमनामुळे जय आणि शर्वरीच्या नात्यात बदल होणार का? या सर्व प्रश्नांची उत्तरे जाणून घेण्यासाठी ‘सनई चौघडे’ ही मालिका प्रेक्षकांना पाहावी लागणार आहे.
.png "Videos"){kind=small}
