Entertainment News: १२ वर्षांचा अनुभव (फोटो सौजन्य- सोशलमीडिया)
गणेशोत्सवाच्या मुहूर्तावर त्याने गोरेगावमध्ये आपलं नवीन क्लिनिक ओपन केलं. त्याबद्दल पोस्ट टाकताना तो म्हणाला,”12 वर्ष मेडिकल लाईनमध्ये काम केल्यावर आणि माझ्या वडिलांच्या हॉस्पिटलच्या प्रवासात सोबत राहिल्यावर आता मी आयुष्यात नवीन सुरुवात करतोय, हे सांगताना मला खूप अभिमान आणि आनंद वाटतोय. एक श्रवणतज्ञ म्हणून मी सांगू इच्छितो की मी माझं नवीन क्लिनिक मुंबईत गोरेगाव इथे सुरु केलं आहे. हा माझ्यासाठी खूप खास आणि भावनिक क्षण आहे. गणपती बाप्पा मोरया!”त्याच्या या पोस्टवर इंडस्ट्रीतल्या बऱ्याच लोकांनी त्याला शुभेच्छा दिल्या.
अमोल कांगणे हा सिनेसृष्टीमधील ओळखीचा चेहरा आहे. त्याने आत्तापर्यंत जवळपास 22 सिनेमे बनवले त्यामधूनच निर्माता म्हणून आपलं नाव मोठं केलं. काही सिनेमांत तो निर्माता म्हणून नाहीतर, अभिनय करत होता. त्याची बहीण प्रीतम कांगणे पण अभिनेत्री आहे. तिने पण बऱ्याच मराठी सिनेमात महत्त्वाच्या भूमिका केल्या आहेत. संपुर्ण कुटुंबच कलेच्या क्षेत्रात असून सुद्धा त्याने डॉक्टरचं शिक्षण सोडलं नाही. 12 वर्ष त्याने या क्षेत्रात काम केलं. त्याच्या वडिलांचं पण हॉस्पिटल आहे. वडिलांना बघूनच त्याला ही प्रेरणा मिळाली असावी.
एकीकडे सिनेमाचं शूटिंग, निर्मिती आणि दुसरीकडे पेशंट तपासणं, हे दोन्ही सांभाळणं सोपं नाही.आजकाल लोक एकच काम धड करत नाहीत, पण अमोल दोन वेगवेगळ्या क्षेत्रात काम करतोय. एकीकडे ग्लॅमरची दुनिया आणि दुसरीकडे डॉक्टरकीची सेवा. दोन्ही ठिकाणी तो सक्सेसफुल आहे.त्याचं हे नवीन क्लिनिक गोरेगावला आहे. ज्यांना ऐकण्याची काही समस्या असेल त्यांच्यासाठी तो तिथे असणार आहे. एक कलाकार जेव्हा डॉक्टर बनून सेवा देतो तेव्हा त्याचं कौतुक तर व्हायलाच हवं.अमोलच्या या नवीन प्रवासासाठी खूप खूप शुभेच्छा.
.png "Videos"){kind=small}
