शुक्रवार, 23 ऑक्टोबर 2026
Punah Nakki Bhetu Marathi Play: (फोटो सौजन्य- सोशलमीडिया)
मराठी रंगभूमीवर काही जोड्या अशा असतात की त्या बघण्यासाठीच लोक नाटकाला गर्दी करतात. काही जोड्या सहज जुळून येतात, तर काही जोड्या जुळायला नशिबाचा खास योग लागतो. असाच एक खास योग जुळून आलाय ‘पुन्हा नक्की भेटू’ या नव्या नाटकाच्या निमित्ताने.
या नाटकात पहिल्यांदाच दोन नव्या जोड्या एकत्र आल्या आहेत. मुक्ता बर्वे आणि प्रियदर्शन जाधव ही एक जोडी, तर आरती वडगबाळकर आणि अंशुमन विचारे ही दुसरी जोडी. या दोन्ही जोड्या पहिल्यांदाच एकत्र काम करत आहेत आणि त्यांची केमिस्ट्रीच या नाटकाचा सगळ्यात मोठा प्लस पॉईंट ठरणार आहे. हे नाटक 23 ऑक्टोबरला प्रेक्षकांच्या भेटीला आलं आहे. Punah Nakki Bhetu Marathi Play:
‘पुन्हा नक्की भेटू’ हे फक्त एक वाक्य नाहीये, ती एक भावना आहे. आपण एखाद्याचा निरोप घेताना सहज म्हणतो, पुन्हा नक्की भेटू. पण या शब्दांमध्ये किती आपुलकी असते. काही नाती अशी असतात की ती वेळेसोबत संपत नाहीत. ती आठवणींमध्ये जिवंत राहतात, पुन्हा भेटण्याच्या ओढीने अधिक घट्ट होतात.
याच भावनेवर हे नाटक उभं आहे. नात्यांचे वेगवेगळे रंग, त्यातली मजा, त्यातला रुसवा-फुगवा आणि पुन्हा एकत्र येण्याची ओढ, हे सगळं या नाटकात बघायला मिळणार आहे. हे नाटक तुम्हाला फक्त हसवणार नाही, तर भावनांच्या विश्वात पण घेऊन जाणार आहे. निखळ आनंद देणारं असं हे नाटक आहे.
हे नाटक ‘रंगमाया’ आणि ‘अष्टविनायक’ या संस्थांनी बनवलं आहे. या नाटकाचं लेखन केलंय देबू बर्वे यांनी. दिग्दर्शनाची जबाबदारी मीरा वेलणकर यांनी सांभाळली आहे. निर्माते पण दमदार आहेत. मुक्ता बर्वे स्वतः, मीरा वेलणकर आणि दिलीप जाधव यांनी या नाटकाची निर्मिती केली आहे.
नाटकाचा टेक्निकल भाग पण तगडा आहे. नेपथ्य आणि प्रकाशयोजना प्रदीप मुळ्ये यांनी केली आहे. गाणी लिहिली आहेत वैभव जोशी यांनी आणि त्याला संगीत दिलंय श्रीनाथ म्हात्रे यांनी. पार्श्वसंगीत संतोष जगदाळे यांचं आहे. गाणी गायली आहेत वैशाली माडे आणि अभय जोधपूरकर यांनी. म्हणजे एकूणच सगळी अनुभवी आणि नावाजलेली टीम एकत्र आली आहे.
Khagras Marathi Movie: नावातच गूढ, पोस्टरमध्ये रहस्य! ‘खग्रास’ चित्रपटाची पहिली झलक समोर
मुक्ता बर्वे म्हणजे मराठी रंगभूमीचा एक ब्रँड आहे. तिचं काम नेहमीच वेगळं असतं. प्रियदर्शन जाधव हा पण त्याच्या कॉमेडी आणि सहज अभिनयासाठी फेमस आहे. हे दोघे पहिल्यांदाच एकत्र आले आहेत, त्यामुळे प्रेक्षकांमध्ये खूप उत्सुकता आहे. त्यांची जुगलबंदी कशी असेल हे पाहणं इंटरेस्टिंग असणार आहे.
दुसरीकडे आरती वडगबाळकर आणि अंशुमन विचारे ही जोडी पण फ्रेश आहे. अंशुमनचा विनोदी टायमिंग आणि आरतीचा सहज सुंदर अभिनय, हे कॉम्बिनेशन पण लोकांना नक्की आवडेल.एकूणच काय, तर ‘पुन्हा नक्की भेटू’ हे नाटक नव्या जोड्या, नव्या केमिस्ट्री आणि जुन्या नात्यांच्या नव्या गोष्टी घेऊन आलं आहे. जर तुम्हाला नाती, भावना आणि त्यातली मजा अनुभवायची असेल तर हे नाटक चुकवू नका.
