मंगळवार, 27 ऑक्टोबर 2026
(फोटो सौजन्य- सोशल मीडिया)
Shah Rukh Khan: बॉलिवूडचा सुपरस्टार शाहरुख खान याच्या बहुप्रतीक्षित ‘किंग’ चित्रपटाची सध्या जोरदार चर्चा सुरू आहे. आता या चित्रपटाचं नवं पोस्टर समोर आलं असून, त्यातील शाहरुखचा हटके अंदाज चाहत्यांचं लक्ष वेधून घेत आहे. ‘कातिल नहीं… आशिक हूं…’ या दमदार ओळीने पोस्टरची चर्चा अधिक रंगली आहे. अॅक्शन, रोमान्स आणि थरार यांचा मिलाफ असलेल्या या चित्रपटातील शाहरुखची झलक पाहून चाहत्यांची उत्सुकता आणखी वाढली आहे.
‘किंग’च्या नव्या पोस्टरमध्ये शाहरुख खानच्या ओठांत गुलाब दिसत असून, त्याच्या डोळ्यांतील तीव्रता लक्ष वेधून घेत आहे. त्याचा हा अंदाज नेहमीपेक्षा वेगळा आणि दमदार असल्याचं दिसत आहे. अॅक्शन थ्रिलर असलेल्या या चित्रपटात शाहरुख कोणत्या भूमिकेत दिसणार, याबाबत चाहत्यांमध्ये उत्सुकता आहे.
पोस्टरमधून चित्रपटाचा भव्य आणि लार्जर-दॅन-लाइफ अंदाज पाहायला मिळतो. शाहरुखच्या लूकमधील अॅक्शन आणि रोमान्सची झलक चित्रपटाबद्दलची उत्सुकता वाढवणारी आहे. त्यामुळे आता चित्रपटाचा टीझर किंवा ट्रेलर कधी प्रदर्शित होणार, याकडे चाहत्यांचं लक्ष लागलं आहे.
सिद्धार्थ आनंद यांच्या दिग्दर्शनाखाली साकारतोय ‘किंग’
‘किंग’ या चित्रपटाचं दिग्दर्शन सिद्धार्थ आनंद करत आहेत. रेड चिलीज एंटरटेनमेंट आणि मरफ्लिक्स पिक्चर्स यांच्या निर्मितीत हा चित्रपट तयार होत आहे. शाहरुख खानला पुन्हा एकदा मोठ्या पडद्यावर अॅक्शनप्रधान भूमिकेत पाहण्यासाठी चाहते उत्सुक आहेत.
‘किंग’ हा चित्रपट २४ डिसेंबर २०२६ रोजी जगभरातील चित्रपटगृहांमध्ये प्रदर्शित होणार असल्याची माहिती देण्यात आली आहे. वर्षाच्या अखेरीस प्रदर्शित होणाऱ्या या चित्रपटाकडून चाहत्यांना मोठ्या अपेक्षा आहेत. आता नव्या पोस्टरनंतर चित्रपटाबाबत आणखी कोणती माहिती समोर येते, याची प्रतीक्षा चाहत्यांना आहे.
