Shivali Parab: (फोटो सौजन्य- सोशलमीडिया)
‘महाराष्ट्राची हास्यजत्रा‘ या शोने अनेक कलाकारांना ओळख दिली. त्यातलीच एक म्हणजे शिवाली परब. तिच्या कॉमेडीने आणि सुंदर अभिनयाने तिने सगळ्यांची मनं जिंकत ती घराघरात पोहोचली. शिवालीचा चाहता वर्ग खूप मोठा आहे आणि ती नेहमी सोशल मीडियावर ऍक्टिव्ह असून चाहत्यांसोबत गप्पा मारत असते. Shivali Parab:
नुकतीच शिवालीने चाहत्यांना एक गुडन्यूज दिली. या आंनदांच्या बातमीमध्ये ती एका नवीन प्रवासाला सुरुवात करत आहे. सध्या शिवाली ‘महाराष्ट्राची हास्यजत्रा’च्या टीम सोबत अमेरिका टूरवर आहे. अमेरिकेत शो करत असतानाच तिने ही बातमी दिली आहे.
शिवालीने आता स्वतःचं युट्यूब चॅनेल सुरू केलं आहे. तिने इंस्टाग्रामवर एक व्हिडिओ टाकून याबद्दल माहिती दिली आहे. त्या व्हिडिओमध्ये ती खूप खुश दिसत आहे.ती व्हिडिओमध्ये म्हणते, “नमस्कार सगळ्यांना, मी पहिल्यांदाच व्लॉग केला आहे. मी स्वतःच व्हिडिओ शूट केला आहे, स्वतःच एडिट पण केला आहे आणि माझ्या युट्यूब चॅनेलवर टाकला आहे.
या चॅनेलवर मी असेच छोटे छोटे व्लॉग टाकत राहणार आहे. माझ्या आयुष्यात काय चालू आहे, मी काय करते हे सगळं तुम्हाला बघायला मिळेल. त्यामुळे प्लीज माझ्या चॅनेलला सबस्क्राईब करा. लाईक करा, कमेंट करा. आणि आवडला तर शेअर पण करा. पण सगळ्यात महत्वाचं म्हणजे माझे व्लॉग एन्जॉय करा आणि मला खूप सपोर्ट करा. थँक्यू सो मच.” तिने तिच्या इंस्टा स्टोरीवर पण तिच्या चॅनेलची लिंक दिली आहे, जेणेकरून चाहत्यांना लगेच सापडेल.
शिवाली परब ही ‘हास्यजत्रा’मधून पुढे आलेल्या नवीन कलाकारांपैकी एक आहे. या शोने तिला खूप मोठं नाव दिलं. तिच्या एक्सप्रेशन आणि टायमिंगचं सगळेच कौतुक करतात. या शोशिवाय तिने काही मराठी सिनेमांमध्ये पण काम केलं आहे. ती सोशल मीडियावर तिचे फोटोशूटचे फोटो टाकत असते, त्याची पण नेहमी चर्चा असते.
आता अमेरिकेत असताना तिने व्लॉगिंग सुरू केलं आहे. तिच्या पहिल्या व्लॉगमध्ये अमेरिकेतल्या टूरचे काही खास क्षण असतील असं वाटतंय. तिच्या या नव्या सुरुवातीला चाहत्यांनी पण खूप प्रेम दिलं आहे. कमेंटमध्ये सगळे तिला शुभेच्छा देत आहेत आणि “आम्ही वाट बघतोय” असं म्हणत आहेत.तुम्ही पण जर शिवालीचे फॅन असाल तर तिचं नवीन युट्यूब चॅनेल नक्की बघा आणि सबस्क्राईब करायला विसरू नका.
.png "Videos"){kind=small}
