गुरुवार, 8 ऑक्टोबर 2026
( फोटो सौजन्य- सोशल मीडिया)
नाना पाटेकर यांच्या निधनानंतर चित्रपटसृष्टी, राजकीय क्षेत्र आणि चाहत्यांकडून शोक व्यक्त केला जात आहे. अनेक कलाकार सोशल मीडियावर नानांच्या आठवणींना उजाळा देत श्रद्धांजली वाहताना दिसत आहेत. दरम्यान, अभिनेत्री तनुश्री दत्ताचे नावही चर्चेत आले आहे. नाना पाटेकर यांच्या निधनानंतर तनुश्रीने सोशल मीडियावर एक व्हिडीओ शेअर केला आहे. या व्हिडीओमधील तिची प्रतिक्रिया सध्या चर्चेचा विषय ठरत आहे.
‘मी बातमी ऐकली…’
तनुश्री दत्ताने व्हिडीओमध्ये म्हटले की, तिला नाना पाटेकर यांच्या निधनाची बातमी समजली आहे. मात्र, आज तिच्यासाठी कामाचा महत्त्वाचा दिवस असून ती एका कार्यक्रमासाठी लखनौला जात आहे. या कार्यक्रमावर तिला लक्ष केंद्रित करायचे असल्याचे तिने सांगितले.
तनुश्री म्हणाली, “मी बातमी ऐकली. आज माझ्या कामाचा दिवस आहे. मी एका कार्यक्रमासाठी लखनौला जात आहे आणि मला त्यावरच लक्ष केंद्रित करायचे आहे. हे सर्व घडण्यासाठी आजचा दिवस किती विचित्र आहे.”
तिने पुढे सांगितले की, लखनौमधील तिचा कार्यक्रम तिच्यासाठी महत्त्वाचा आहे. दिवसभर लाईव्ह जाणे आणि कंटेंट पोस्ट करण्याचे तिचे नियोजन होते आणि आता मला काळजी वाटते की संध्याकाळपर्यंत मीडियाला फक्त ‘ईविल डेड’मध्येच रस असेल. त्यामुळे, मी कशी प्रतिक्रिया द्यावी हे समजल्यावर मी माझी प्रतिक्रिया देईन.
तनुश्रीने पुढे म्हटले की, या परिस्थितीवर नेमकी कशी प्रतिक्रिया द्यावी हे समजून घेतल्यानंतर ती आपली प्रतिक्रिया देईल. तसेच नाना पाटेकर यांच्या कुटुंबीयांप्रती तिने संवेदना व्यक्त केल्या.
तिच्या या व्हिडीओमुळे सोशल मीडियावर विविध चर्चा सुरू झाल्या आहेत. विशेष म्हणजे तनुश्री दत्ता आणि नाना पाटेकर यांच्यातील वाद यापूर्वी मोठ्या प्रमाणावर चर्चेत आला होता.
View this post on Instagram
२००८ मध्ये ‘हॉर्न ओके प्लीज’ या चित्रपटाच्या सेटवर नाना पाटेकर यांनी आपल्यासोबत गैरवर्तन केल्याचा आरोप तनुश्री दत्ताने केला होता. जवळपास दशकभरानंतर २०१८ मध्ये तिने पुन्हा हे आरोप सार्वजनिकपणे मांडले. त्यानंतर भारतातील #MeToo चळवळीच्या काळात हे प्रकरण पुन्हा चर्चेत आले.
तनुश्रीने नाना पाटेकर यांच्याविरोधात पोलिसांत तक्रारही दाखल केली होती आणि ऑक्टोबर २०१८ मध्ये मुंबईतील ओशिवरा पोलीस ठाण्यात एफआयआर नोंदवण्यात आल्याचे वृत्त होते. दुसरीकडे, नाना पाटेकर यांनी तनुश्रीचे आरोप फेटाळून लावले होते.
आता नाना पाटेकर यांच्या निधनानंतर तनुश्री दत्ताने शेअर केलेल्या व्हिडीओमुळे पुन्हा एकदा या जुन्या वादाची चर्चा सुरू झाली आहे.
