हिमाचल प्रदेशात काँग्रेसला मोठा झटका; 6 बंडखोरांसह 3 अपक्ष आमदार भाजपमध्ये

हिमाचल प्रदेशात काँग्रेसला मोठा धक्का बसला आहे. राज्यसभा निवडणुकीत क्रॉस व्होटिंगमुळे अपात्र ठरलेल्या सहा माजी आमदारांनी भाजपमध्ये प्रवेश केला आहे. त्यांच्यासोबत तीन अपक्ष आमदारांनीही 'कमळ' हाती घेण्याचा निर्णय घेतला.

शिमला : हिमाचल प्रदेशात काँग्रेसला मोठा धक्का बसला आहे. राज्यसभा निवडणुकीत क्रॉस व्होटिंगमुळे अपात्र ठरलेल्या सहा माजी आमदारांनी भाजपमध्ये प्रवेश केला आहे. त्यांच्यासोबत तीन अपक्ष आमदारांनीही ‘कमळ’ हाती घेण्याचा निर्णय घेतला.

या आमदारांमध्ये काँग्रेसचे सुधीर शर्मा, रवी ठाकूर, राजेंद्र सिंह राणा, चैतन्य शर्मा, देवेंद्र भुट्टो, इंदर दत्त लखनपाल यांचा समावेश आहे. याशिवाय हिमाचल प्रदेशचे तीन अपक्ष आमदार होशियार सिंह, केएल ठाकूर आणि आशिष शर्मा यांनीही औपचारिकपणे शनिवारी भाजपमध्ये प्रवेश केला.

पोटनिवडणुकीत मिळणार तिकीट

आशिष शर्मा, होशियार सिंग आणि केएल ठाकूर या तीन अपक्ष आमदारांनी राजीनामे दिले आहेत. त्यामुळे आयोगाने त्यांच्या मतदारसंघातील पोटनिवडणुका जाहीर केल्या आहेत. राज्यात सातत्याने वाढत असलेल्या राजकीय संकटाच्या पार्श्वभूमीवर आता काँग्रेसचे सहा माजी आमदार आणि तीन अपक्ष आमदारांनी भाजपमध्ये प्रवेश केल्यानंतर ते भाजपाच्या तिकिटावर ते येथून पोटनिवडणूक लढवू शकतात, अशी चर्चा आहे.