ओडिशात कोरोमंडल एक्सप्रेससह 3 रेल्वेंचा एकत्र अपघात, मृतांचा आकडा 233 हून जास्त, 900 पेक्षा जास्त प्रवासी जखमी

शालिमार-चैन्नई कोोरमंडल एक्सप्रेसचे 10 डबे ओडिशातील बालासोर जवळ बहानगा रेल्वे स्टेशनजवळ रुळावरुन घसरले. हे 10 डबे दुसऱ्या रुळावर असलेल्या सशवंतपूर-हावडा या ट्रेनला जाऊन धडकले. यामुळं यशवंतपूर-हावडा ट्रेनचेही डबे घसरले. ते एका मालगाडीला जाऊन धडकले.

Follow Us:

Follow Us:

बालासोर – शालीमारहून चैन्नईला जात असलेल्या कोरोमंडल एक्सप्रेससह (Coromandel Express) 3 रेल्वेंचा अपघात ( Railway accident)  बालासोर जिल्ह्यात बहानागा रेल्वे स्टेशनजवळ शुक्रवारी रात्री 8 च्या सुमारास झाला. या अपघातातील मृतांची संख्या 233 हून जास्त ( 233 deaths) असून, 900 हून अधिक प्रवासी या अपघातात जखमी झाल्याचं सांगण्यात येतंय. ओडिशाचे मुख्य सचिव प्रदीप जेना यांनी ही माहिती एएनआय या वृत्तसंस्थेला दिली आहे.

Ex-gratia compensation to the victims of this unfortunate train accident in Odisha;
₹10 Lakh in case of death,
₹2 Lakh towards grievous and ₹50,000 for minor injuries.

— Ashwini Vaishnaw (@AshwiniVaishnaw) June 2, 2023

पंतप्रधानांसह अनेक मान्यवरांनी या अपघाताबाबत दु:ख व्यक्त केलं आहे. अपघातात मृत्युमुखी पडलेल्यांच्या कुटुंबीयांना १० लाखांची मदत तर जखमींना २ लाखांची मदत रेल्वेमंत्री अश्विनी वैष्णव यांनी जाहीर केली आहे.

Odisha train derailment: Toll climbs to 233, says Chief Secretary Pradeep Jena

Read @ANI Story | https://t.co/h1mCrwhRrT#OdishaTrainAccident #PradeepJena #Odisha #BalasoreTrainAccident pic.twitter.com/71HQdc2xME

— ANI Digital (@ani_digital) June 3, 2023

नेमका कसा झाला अपघात ?

शालिमार-चैन्नई कोोरमंडल एक्सप्रेसचे 10 डबे ओडिशातील बालासोर जवळ बहानगा रेल्वे स्टेशनजवळ रुळावरुन घसरले. हे 10 डबे दुसऱ्या रुळावर असलेल्या सशवंतपूर-हावडा या ट्रेनला जाऊन धडकले. यामुळं यशवंतपूर-हावडा ट्रेनचेही डबे घसरले. ते एका मालगाडीला जाऊन धडकले. तिन्ही रेल्वे वेगात असल्यानं या अपघाताची तीव्रता अधिक असल्याचं सांगण्यात येत आहे.

#WATCH | Morning visuals from the site in Odisha’s Balasore district where two passenger trains and one goods train met with an accident yesterday

Rescue operations underway pic.twitter.com/gBn45RzncG

— ANI (@ANI) June 3, 2023

रात्रीपासून बचावकार्य सुरु

अपघातानंतर बचावकार्य तातडीनं सुरु करण्यात आलं. या मार्गावरील सर्व ट्रेन रोखून धरण्यात आल्यात. एनडीआरएफच्या तुकड्या, स्थानिक प्रशासन आणि स्थानिक यांच्या मदतीनं रात्रभर या ठिकाणी बचावकार्य सुरु होतं.

Distressed by the train accident in Odisha. In this hour of grief, my thoughts are with the bereaved families. May the injured recover soon. Spoke to Railway Minister @AshwiniVaishnaw and took stock of the situation. Rescue ops are underway at the site of the mishap and all…

— Narendra Modi (@narendramodi) June 2, 2023

अपघाताची उत्तस्तरीय चौकशी होणार

हा रेल्वे अपघात हा अत्यंत दुर्दैवी असल्याची प्रतिक्रिया केंद्रीय रेल्वेमंत्री अश्विनी वैष्णव यांनी दिली आहे. तसचं या अपघाताची उच्चस्तरीय चौकशी होणार असल्याची माहितीही त्यांनी दिलीय. कोरोमंडल एक्सप्रेसचे डबे रुळावरुन कसे घसरले, याची चौकशी करण्यात येणार असल्याचं त्यांनी सांगितलंय. कोरोमंडल एक्सप्रेसनं एका मालगाडीला धडक दिली होती, त्यानंतर या रेल्वेचे १० ते १२ डबे रुळावरुन घसरुन दुसऱ्या रुळांवर पडले. दुसऱ्या रुळांवरुन येत असलेल्या यशवंतरपूर-हावडा एक्सप्रेस या घसरलेल्या डब्यांना जाऊन आदळली. यात या रेल्वेचे ३ ते ४ डबे घसरल्याची माहिती आहे.

ओडिशा सरकारतर्फे एक दिवसाचा दुखवटा जाहीर

या दुर्घटनेनंतर ओडिशाचे मुख्यमंत्री नवीन पटनायक यांनी तीव्र दु:ख व्यक्त केलं आहे. तसंच राज्यात आज एक दिवसाचा दुखवटा पाळण्यात येणार आहे. शनिवारी राज्य सरकारच्या वतीनं कोणताही कार्यक्रम होणार नसल्याचं जाहीर करण्यात आलंय.

मुंबई-गोवा वंदे भारत ट्रेनच्या उद्घाटनाचा कार्यक्रमही रद्द

मुंबई-गोना  वंदे भारत रेल्वेच्या उद्घाटनाचा कार्यक्रम आज पार पडणार होता, मात्र ओडिशातील दुर्घटनेनंतर आजचा कार्यक्रम रद्द करण्यात आला आहे. कोकण रेल्वेच्या अधिकाऱ्यांनी ही माहिती दिली आहे.

Web Title: 3 trains collide with coromandel express in odisha death toll exceeds 200 over 900 passengers injured

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com