नैनितालमध्ये भीषण अपघात, जीप खड्ड्यात पडल्याने सात जणांचा मृत्यू, चार जण गंभीर जखमी

उत्तराखंडमधील नैनिताल जिल्ह्यातील ओखल कांडाजवळ हा भीषण अपघात झाला. या अपघातात 9 जणांचा मृत्यू झाला असून 4 जण गंभीर जखमी आहे.

    नैनितालमध्ये शुक्रवारी (17 नोव्हेंबर) सकाळी मोठा अपघात झाला. नैनितालच्या ओखल कांडा गावाजवळ एक जीप ५०० मीटर खड्ड्यात पडली, त्यात नभ जणांचा जागीच मृत्यू झाला. जीपमध्ये क्षमतेपेक्षा जास्त लोक होते, असे सांगण्यात येत आहे. चालकाचे जीपवरील नियंत्रण सुटल्याने जीप खोल दरीत कोसळल्याचं सांगण्यात येत आहे.

    सध्या पोलीस घटनास्थळी उपस्थित असून मृतदेह बाहेर काढण्याचे प्रयत्न सुरू आहेत. अपघातात गाडीत किती लोक होते याची माहिती अद्याप मिळालेली नाही. स्थानिक लोकांच्या म्हणण्यानुसार, अनेक लोक गंभीर जखमी असून त्यांना उपचारासाठी पुढे पाठवले जात आहे. ही घटना सकाळी आठ वाजताची असल्याचे सांगण्यात येत आहे.

    मृतांमध्ये लहान मुले आणि महिलांचा समावेश

    पिकअप वाहन ५०० मीटर खोल दरीत कोसळल्याचे सांगण्यात येत आहे. त्यामुळे हा अपघात झाला. स्थानिक लोकांच्या म्हणण्यानुसार, बाहेर काढण्यात आलेल्या मृतदेहांमध्ये तीन महिला, एक बालक आणि तीन पुरुषांचा समावेश आहे. येथील रस्ता खराब असल्याने वाहन नियंत्रण सुटून खोल खड्ड्यात पडल्याचे ग्रामस्थांनी सांगितले.

    सोमवारीही झाला अपघात

    याआधी गेल्या सोमवारीही नैनितालमध्ये कार खड्ड्यात पडून अपघात झाला होता. उत्तराखंडमधील नैनिताल जिल्ह्यातील जौरासीजवळ सोमवारी सकाळी कार खड्ड्यात पडल्याने एकाचा मृत्यू झाला तर पाच जण जखमी झाल्याचे अधिकाऱ्यांनी सांगितले होते. छतर सिंग असे मृताचे नाव असून तो उत्तराखंडच्या पिथौरागढ येथील रहिवासी आहे.

    याशिवाय, गेल्या ऑक्टोबर महिन्यात नैनिताल जिल्ह्यातील कालाधुंगी परिसरात प्रवाशांना घेऊन जाणारी बस खड्ड्यात पडून पाच महिला आणि एका अल्पवयीनासह सात प्रवासी ठार झाले होते, तर अनेक जण जखमी झाले होते.