“माझ्या हत्येचा कट रचला जातोय…”, Mamata Banerjee यांचा भाजपवर खळबळजनक आरोप; निवडणूक आयोगाच्या मतदार यादीवरही कडाडले

पुरुलिया जिल्ह्यातील मानबाजार येथील जनसभेत भारतीय जनता पक्षावर (भाजप) हल्लाबोल केला. "भाजप नेते माझ्या हत्येचा कट रचत आहेत," असा खळबळजनक दावा करत त्यांनी बंगालच्या राजकारणात मोठी खळबळ उडवून दिली आहे.

• “माझ्या हत्येचा कट रचला जातोय…”
• Mamata Banerjee यांचा भाजपवर खळबळजनक आरोप
• निवडणूक आयोगाच्या मतदार यादीवरही कडाडले

Mamata Banerjee on BJP: पश्चिम बंगालच्या मुख्यमंत्री आणि तृणमूल काँग्रेसच्या सर्वेसर्वा ममता बॅनर्जी यांनी पुरुलिया जिल्ह्यातील मानबाजार येथील जनसभेत भारतीय जनता पक्षावर (भाजप) हल्लाबोल केला. “भाजप नेते माझ्या हत्येचा कट रचत आहेत,” असा खळबळजनक दावा करत त्यांनी बंगालच्या राजकारणात मोठी खळबळ उडवून दिली आहे. आपल्या प्रकृतीवरून टीका करणाऱ्यांना उत्तर देताना त्यांनी भाजप नेत्यांच्या विधानांमधून साशंकता व्यक्त केली.

“मी मरणाच्या दारातून परत आलेय!”

ममता बॅनर्जी यांनी भाषणादरम्यान त्यांच्या जुन्या जखमा आणि प्रकृतीवरून भाजप नेत्यांनी उपस्थित केलेल्या प्रश्नांचा खरपूस समाचार घेतला. “मी मृत्यूशी झुंज देऊन पुन्हा उभी राहिली आहे. माझ्या जखमेबद्दल कोणाला शंका असेल, तर त्यांनी डॉक्टरांचा अहवाल तपासावा. निवडणुकीच्या काळात मला जाणूनबुजून जखमी करण्याचा कट आखण्यात आला होता. तरीही मी व्हीलचेयरवर बसून प्रचार केला,” असे त्या म्हणाल्या. भाजपच्या विधानांमधून दंग्यांसारखा एखादा नवा कट रचला जात असल्याची भीतीही त्यांनी यावेळी व्यक्त केली.

मतदार यादीतून 1.2 कोटी नावे गायब; सर्वोच्च न्यायालयात जाणार

निवडणूक प्रक्रियेतील त्रुटींवर बोट ठेवताना मुख्यमंत्री बॅनर्जी यांनी SIR (Special Intensive Revision) च्या मुद्द्यावरून केंद्रावर निशाणा साधला. राज्यातील सुमारे १ कोटी २० लाख लोकांची नावे मतदार यादीतून हटवण्यात आल्याचा आरोप त्यांनी केला. “या लोकांच्या हक्कासाठी मी रस्त्यापासून सर्वोच्च न्यायालयापर्यंत लढा देईन. गरज पडल्यास पीडितांना मोफत कायदेशीर मदतही दिली जाईल,” असे आश्वासन त्यांनी यावेळी दिले.

भाजपचे चाणक्य उतरणार मैदानात; ममता बॅनर्जींविरोधात दाखल करणार खळबळजनक चार्जशीट

अमित शाह आणि गुजरात दंग्यांचा उल्लेख

केंद्रीय गृहमंत्री अमित शाह यांच्यावर थेट टीका करताना ममता बॅनर्जी म्हणाल्या की, “जे लोक दंगलींच्या माध्यमातून सत्तेवर आले, त्यांनी आम्हाला लोकशाही शिकवू नये.” त्यांनी यावेळी गुजरात दंगलींचा संदर्भ देत भाजपच्या कार्यपद्धतीवर प्रश्नचिन्ह उपस्थित केले. तसेच, महागाई आणि निवडणुकीच्या काळात भाजपकडून दिल्या जाणाऱ्या खोट्या आश्वासनांवरूनही त्यांनी जोरदार प्रहार केला.

विरोधकांच्या अज्ञानावर टीका

डाव्या पक्षांनी केलेल्या टीकेला उत्तर देताना त्यांनी स्पष्ट केले की, २०११ मध्ये तृणमूल काँग्रेस सत्तेवर आल्यानंतर राज्याच्या लोकसंख्येची रचना  बदलल्याचा आरोप पूर्णपणे निराधार आहे. “विपक्ष इतिहास आणि समाजाबद्दल अज्ञान पसरवत असून राज्याची प्रतिमा मलीन करण्याचा प्रयत्न करत आहे,” अशी टीका त्यांनी केली.

Elections 2026 : तामिळनाडू-बंगालमध्ये भाजपसमोर तगडे आव्हान; डाव्या पक्षांना देऊ शकणार का मात?