नवी दिल्ली : लोकसभा निवडणुकीच्या पार्श्वभूमीवर, भारतीय जनता पक्षाचे (भाजप) नेते आणि वकील जी. देवराजे गौडाला शुक्रवारी रात्री हसन जनता दल सेक्युलर खासदार प्रज्वल रेवन्ना यांच्यासोबत असलेल्या एका अश्लील व्हिडिओच्या संदर्भात अटक करण्यात आली.
पोलिसांनी दिलेल्या माहितीनुसार, देवराज गौडा याला चित्रदुर्ग जिल्ह्यातील गुलिहाल टोल नाक्यावर हिरीयुर पोलिसांनी पेन ड्राईव्हद्वारे व्हिडिओ लीक केल्याच्या आरोपावरून अटक केली आहे. पोलिसांनी सांगितले की, हसन पोलिसांना मिळालेल्या गुप्त माहितीवरून गौडाला अटक करण्यात आली. 26 एप्रिल रोजी कर्नाटकात मतदानापूर्वी प्रज्वलशी संबंधित अनेक अश्लील व्हिडिओ समोर आले होते. तर भाजप नेता देवराज गौडावर हे व्हिडिओ लीक केल्याचा आरोप आहे, जो त्याने आधीच फेटाळून लावला आहे. सध्या हसन पोलिसांना या प्रकरणात प्रज्वलचा जबाब नोंदवायचा आहे.
आत्तापर्यंत सेक्स स्कँडलमधील मुख्य आरोपी प्रज्वल आणि हसनमधील जेडीएस खासदार याच्याविरुद्ध बलात्कार, विनयभंग आणि धमकी देण्याच्या आरोपांसह तीन एफआयआर दाखल करण्यात आले आहेत. सध्या प्रज्वल फरार असून इंटरपोलने त्याच्याविरुद्ध ब्लू कॉर्नर नोटीस जारी केली आहे. दरम्यान, गेल्या एप्रिलमध्ये एका महिलेने गौडा यांच्याविरोधात तक्रारही दाखल केली होती. गौडाने तिची मालमत्ता विकण्यास मदत करण्याच्या बहाण्याने सुमारे दहा महिने तिचे शोषण केल्याचा आरोप आहे.
Web Title: Bjp leader devraje gowda arrested in karnataka sex scandal case
.png "Videos"){kind=small}
