केंद्र सरकारकडून महादेव ॲपसह 22 बेकायदेशीर बेटिंग ॲप ब्लॉक! मनी लाँड्रिंग प्रकरणी ईडीच्या कारवाईनंतर दिले आदेश

महादेव बेटिंगॲप बेकायदेशीर असल्याचं सांगत केंद्रीय इलेक्ट्रॉनिक्स आणि माहिती तंत्रज्ञान मंत्रालयाने 22 बेटिंग ॲप्सवर बंदी घालण्याचा आदेश जारी केला आहे.

    गेल्या अनेक दिवसापासून ईडीच्या रडावर असलेल्या महादेव बेटिंग ॲपबेटिंगवर अखेर कारवाई करण्यात आली आहे.  केंद्र सरकारने बेकायदेशीर बेटिंग ॲप महादेवसह 22 बेटिंग सॉफ्टवेअर आणि वेबसाइट ब्लॉक (Mahadev Betting App Ban) केल्या आहेत. ईडीच्या (ED) कारवाईनंतर केंद्र सरकारने ही कारवाई केली आहे.

    हे सुद्धा वाचा

    इलेक्ट्रॉनिक्स आणि माहिती तंत्रज्ञान मंत्रालयाने आदेश जारी केला

    केंद्रीय इलेक्ट्रॉनिक्स आणि माहिती तंत्रज्ञान मंत्रालयाने 22 बेटिंग ॲप्सवर बंदी घालण्याचा आदेश जारी केला आहे. बेकायदेशीर सट्टेबाजी ॲप्स महादेव बुक आणि रेड्डीअण्णाप्रिस्टोप्रो हे 21 सॉफ्टवेअर आणि वेबसाइट्सपैकी आहेत जे अंमलबजावणी संचालनालयाच्या (ईडी) तपासणीनंतर केंद्राने अवरोधित केले आहेत, असे सरकारने रविवारी एका निवेदनात म्हटले आहे.

    बेकायदेशीर सट्टेबाजी ॲप्स सिंडिकेटविरुद्ध अंमलबजावणी संचालनालयाने केलेल्या तपासानंतर आणि त्यानंतर छत्तीसगडमधील महादेव बुकवर छापा टाकून ॲप्सचे बेकायदेशीर ऑपरेशन उघडकीस आल्याने ही कारवाई करण्यात आल्याचे सरकारने म्हटले आहे. सरकारने सांगितले की, आरोपींपैकी एक, भीम सिंह यादव, जो छत्तीसगड पोलिसांमध्ये हवालदार म्हणून काम करतो आणि दुसरा संशयित, असीम दास, कथित मनी लाँड्रिंगच्या आरोपाखाली अटकेत आहेत.

    मनी लाँड्रिंगचा आरोप

    महादेव बुकच्या कथित मालकाने छत्तीसगडचे मुख्यमंत्री भूपेश बघेल यांच्यावर गंभीर आरोप केलेल्या मनी लॉन्ड्रिंग प्रकरणातील एका आरोपीच्या ईडीच्या दाव्यानंतर सरकारची ही कारवाई झाली आहे. आरोपी शुभम सोनी याने दुबईहून एक व्हिडिओ मेसेज जारी करून दावा केला आहे की, त्याला मुख्यमंत्री भूपेश बघेल यांनी यूएईला जाण्यास सांगितले होते.

    अनेक सेलिब्रिटीही चौकशीच्या फेऱ्यात

    छत्तीसगडच्या भिलाई येथील सौरभ चंद्राकर हा महादेव बेटिंग ॲपचा प्रवर्तक आहे. मनी लॅंन्ड्रिग प्रकरणी ईडीने त्याची चौकशी सुरू होती. त्याने कथितपणे त्याच्या स्वत: च्या भव्य लग्नासाठी 200 कोटी रुपये रोख खर्च केले, ज्यात खासगी जेट भाड्याने घेणे आणि  सेलिब्रिटी परफॉर्मन्सचा समावेश आहे. या लग्नाला रणबीरने कपूरसह अनेक सेलेब्रिटिंनी हजेरी लावली होती, असंही म्हटलं जात आहे. सौरभवर स्टार्सना पैसे दिल्याचा आरोप आहे. या प्रकरणात रणबीर कपूरच्या आधी 14 बॉलिवूड स्टार्सची नावे समोर आली होती. या यादीत सनी लिओनीपासून नेहा कक्करपर्यंतच्या सेलिब्रिटींच्या नावांचा समावेश आहे.