नवी दिल्ली : चालू 2023-24 हंगामात 15 एप्रिलपर्यंत देशातील साखरेचे उत्पादन किंचित घटून 3 कोटी 10.9 लाख टन झाले आहे. इंडियन शुगर मिल्स असोसिएशनने (आयएसएमए) जारी केलेल्या आकडेवारीनुसार, कर्नाटकातील कमी उत्पादनामुळे ही घसरण झाली आहे. 2022-23 या हंगामात याच कालावधीत 3 कोटी 12.3 लाख टन साखरेचे उत्पादन झाले होते.
भारत हा जगातील प्रमुख साखर उत्पादक देश आहे. साखरेचा हंगाम ऑक्टोबर ते सप्टेंबरपर्यंत चालतो. सध्या साखर निर्यातीवर अनिश्चित काळासाठी बंदी आहे. इंडस्ट्री बॉडी आयएसएमएने 2023-24 हंगामासाठी निव्वळ साखर उत्पादन अंदाज सुधारित करून 32 दशलक्ष टन झाला आहे.
आयएसएमएच्या ताज्या आकडेवारीनुसार, देशातील आघाडीचे साखर उत्पादक राज्य महाराष्ट्रात 15 एप्रिलपर्यंत चालू हंगामात साखरेचे उत्पादन 10.92 दशलक्ष टनांपेक्षा जास्त होते. तर वर्षभरापूर्वी याच कालावधीत ते 10.59 दशलक्ष टन होते. देशातील दुसऱ्या क्रमांकाचे साखर उत्पादक राज्य उत्तर प्रदेशमध्ये, उत्पादन पूर्वीच्या 96.7 लाख टनावरून वाढून त्या कालावधीत 11.4 कोटी टन झाले.
