शनिवार, 17 ऑक्टोबर 2026
अंबरनाथमध्ये ग्रीन डेटा सेंटरला सांडपाणी देण्यास मनसेचा तीव्र विरोध; नगरपरिषदेला दिले पत्र
अंबरनाथ नगरपरिषदेच्या प्रस्तावानुसार, वडोलगाव आणि चिखलोली येथील सांडपाणी प्रक्रिया प्रकल्पांमधून प्रक्रिया केलेले पाणी प्रस्तावित ग्रीन एकात्मिक डेटा सेंटर पार्कला उपलब्ध करून देण्याचा विषय विचाराधीन आहे. मात्र, शहराची भविष्यातील गरज लक्षात घेता हे पाणी खासगी प्रकल्पाला देण्यास मनसेने आक्षेप घेतला आहे.
Gondiya News: हरणाच्या पाडसावर भटक्या कुत्र्यांचा हल्ला; 2 चिमुकल्यांनी धाडसाने वाचवला जीव
महाराष्ट्र प्रदूषण नियंत्रण मंडळाच्या जानेवारी २०२६ च्या नोंदीनुसार वडोलगाव एसटीपी प्रकल्पाची क्षमता ४५ एमएलडी आणि चिखलोली एसटीपी प्रकल्पाची क्षमता ९ एमएलडी असून दोन्ही मिळून ५४ एमएलडी क्षमता आहे. तसेच भविष्यात अंबरनाथच्या सांडपाणी व्यवस्थेसाठी अतिरिक्त एसटीपी क्षमतेची गरज असल्याचेही MPCB च्या नोंदींवरून स्पष्ट होते.
प्रक्रिया केलेले पाणी खाजगी डेटा सेंटरला देण्याऐवजी अंबरनाथ शहरातील उद्याने, वृक्षारोपण, हरित क्षेत्र आणि इतर सार्वजनिक गरजांसाठी कसे वापरता येईल, याचा स्वतंत्र आराखडा प्रशासनाने तयार करावा. खाजगी प्रकल्पांना पाणी देण्यापूर्वी प्रथम अंबरनाथ शहराची सांडपाणी प्रक्रिया व्यवस्था पूर्णपणे सक्षम करणे आवश्यक आहे. भविष्यात व्यावसायिक वापरासाठी पाणी द्यायचेच असल्यास, ते थेट खाजगी डेटा सेंटरला न देता सारख्या पर्यायांची प्रशासनाने तपासणी करावी. अशी मनसेची भूमिका आहे. आता या आक्षेपानंतर नगरपरिषद विषय क्रमांक ५८ बाबत काय निर्णय घेते आणि ग्रीन डेटा सेंटरला प्रक्रिया केलेले पाणी उपलब्ध करून देण्याचा प्रस्ताव पुढे नेला जातो की त्यात बदल केला जातो, याकडे लक्ष लागले आहे.
