Delhi North Block Fire: संसद भवनाजवळच्या नॉर्थ ब्लॉकमध्ये आग; अग्निशमन दलाची वाहने घटनास्थळी दाखल

Delhi North Block Fire: राज्यसभा खासदार मिलिंद देवरा यांनी सोशल मीडियावर नॉर्थ ब्लॉकच्या मागून धूर निघत असल्याचा एक फोटो शेअर केला आहे. त्यांनी फोटोला कॅप्शन दिले आहे, "संसदेकडे जात असताना, मला नॉर्थ ब्लॉकच्या मागून दाट धूर निघताना दिसत आहे.

• राष्ट्रपती भवनाजवळील नॉर्थ ब्लॉक इमारतीत अचानक लागली आग
• छतावर वेल्डिंगचे काम सुरू असताना लागली आग
• दिल्ली अग्निशमन दलाच्या (DFS) ६ गाड्यांनी घटनास्थळी पोहोचून आग आणली नियंत्रणात

Delhi North Block Fire: राष्ट्रपती भवनाजवळच्या नॉर्थ ब्लॉकमध्ये आग लागल्याची माहिती मिळाली आहे. आकाशात धुराचे लोट पसरले होते. छतावरील एसी बॉयलरला आग लागली होती. वेल्डिंगचे काम सुरू असताना एका बॉयलरमध्ये अचानक शॉर्ट सर्किट झाले. आग आता नियंत्रणात आणण्यात आली आहे.

घटनेची माहिती मिळताच अग्निशमन दलाची सहा वाहने रवाना करण्यात आली. दिल्ली अग्निशमन सेवेला (डीएफएस) थोड्या वेळापूर्वी नॉर्थ ब्लॉकमध्ये आग लागल्याची माहिती मिळाली. अग्निशमन दलाच्या गाड्या घटनास्थळी पाठवण्यात आल्या आहेत. अग्निशमन दलाचे कर्मचारी घटनास्थळी पोहोचून परिस्थितीचा आढावा घेतल्यानंतरच अधिक माहिती उपलब्ध होईल.

Congress-BJP Controversy: ‘मोदी का बाप भी जाएगा…’; खर्गेंच्या वक्तव्याने भाजपचा तिळपापड, देशभरात आंदोलनाची घोषणा

खासदारांनी शेअर केला फोटो

राज्यसभा खासदार मिलिंद देवरा यांनी सोशल मीडियावर नॉर्थ ब्लॉकच्या मागून धूर निघत असल्याचा एक फोटो शेअर केला आहे. त्यांनी फोटोला कॅप्शन दिले आहे, “संसदेकडे जात असताना, मला नॉर्थ ब्लॉकच्या मागून दाट धूर निघताना दिसला. तिथे आग लागल्याचे दिसते.” आशा आहे की सर्वजण सुरक्षित असतील आणि आपत्कालीन सेवा त्वरीत प्रतिसाद देत असतील.

काही दिवसांपूर्वी, करकरडूमा कोर्टाच्या दुसऱ्या मजल्यावर आग लागली होती. या घटनेत कोणीही जखमी झाले नाही. दिल्ली अग्निशमन सेवेने आगीची माहिती दिली. अग्निशमन दलाला सकाळी ५:२२ वाजता आगीची माहिती मिळाली. तात्काळ आठ अग्निशमन गाड्या घटनास्थळी पाठवण्यात आल्या. अग्निशमन दलाने त्वरित आग विझवण्यास सुरुवात केली आणि ती पसरण्यापासून रोखली. सकाळी ५:५० पर्यंत आगीवर नियंत्रण मिळवण्यात आले.

Narendra Modi : 2014 आधी काँग्रेस ‘फोन बँकिंग’ने देशाची अर्थव्यवस्था चालवायचे, पंतप्रधानांचा काँग्रेसवर प्रहार

अग्निशमन दलाकडून मिळालेल्या माहितीनुसार, छतावरील एसी बॉयलरला आग लागली. वेल्डिंगचे काम सुरू असताना एका बॉयलरमध्ये अचानक शॉर्ट सर्किट झाले. आग आता नियंत्रणात आणण्यात आली आहे. धूर दिसू लागताच अग्निशमन दलाला तात्काळ सतर्क करण्यात आले आणि त्यांनी त्वरित प्रतिसाद दिला. दिल्ली अग्निशमन सेवेने सांगितले की, अग्निशामकाच्या साहाय्याने आग नियंत्रणात आणण्यात आली. ही एक छोटी आग होती आणि त्यात कोणतीही जीवितहानी झाली नाही.

मिळालेल्या माहितीनुसार, नॉर्थ ब्लॉक एसी बॉयलरजवळ वेल्डिंगचे काम सुरू होते. एका ठिणगीमुळे तेथे असलेल्या प्लास्टिकच्या टाकीला आग लागली. प्लास्टिकमुळे धूर वेगाने पसरू लागला आणि धुराचे लोट आकाशात पसरले. घटनास्थळी अनेक अग्निशमन गाड्या तात्काळ पाठवण्यात आल्या. तथापि, आग लवकरच नियंत्रणात आणण्यात आली. कोणतीही जीवितहानी झाली नाही.