Maharashtra Today’s Live Breaking News in Marathi: MPSC पेपरफुटी प्रकरणात मोठी घडामोड

24 Oct 2026 09:35 AM (IST)

Most Wanted Gangster Himanshu Bhau Arrested US:  भारताचा मोस्ट वाँटेड गुंड हिमांशू भाऊ अमेरिकेत जेरबंद!  

दिल्ली, हरियाणासह अनेक राज्यांमध्ये दहशत माजवणारा भारताचा मोस्ट वाँटेड गुंड हिमांशू भाऊ याला अमेरिकेत फेडरल ब्युरो ऑफ इन्व्हेस्टिगेशन (FBI) ने अटक केली आहे. खून, खंडणी, खुनाचा प्रयत्न आणि शस्त्र तस्करीसारख्या गंभीर गुन्ह्यांमध्ये हवा असलेला हा कुख्यात गँगस्टर अखेर अमेरिकेत पोलिसांच्या जाळ्यात अडकला आहे.हिमांशू भाऊविरोधात इंटरपोलने २०२३ मध्येच रेड कॉर्नर नोटीस जारी केली होती. तसेच हरियाणा पोलिसांनी अडीच लाख रुपये आणि दिल्ली पोलिसांनी १ लाखाचे बक्षीस त्याच्यावर जाहीर केले होते.

24 Oct 2026 09:25 AM (IST)

Gujarat Government:  वडोदरा येथे ९७८ चौरस मीटर भूखंडाचे वाटप; १५ कोटींची जमीन विनामूल्य मिळणार

Gujarat Government:  गुजरात सरकारकडून खासदार तथा माजी क्रिकेटपटू युसूफ पठाण यांच्याबाबत एक मोठा निर्णय घेण्यात आला आहे. गुजरात सरकारने वडोदरा येथे ९७८ चौरस मीटर भूखंडाचे युसूफ पठाण यांना वाटप करण्यास अधिकृत मंजुरी दिली आहे. या संपूर्ण भूखंडाचे एकूण बाजारमूल्य २०.५३ कोटी रुपये इतके आहे, विशेष म्हणजे यामध्ये तब्बल ५०० चौरस मीटर जमीन विनामूल्य दिली जाणार असून त्याचे मूल्य सुमारे १५ कोटी रुपये आहे.  बडोदा महानगरपालिका आयुक्तांनी हा प्रस्ताव स्थायी समितीसमोर सादर केला होता. त्यानंतर महापालिकेच्या स्थायी समितीची बैठक पार पडली आणि या जमीन वाटपाचा निर्णय घेण्यात आला.

24 Oct 2026 09:15 AM (IST)

Manoj Jarange Viral Audio Clip: मनोज जरांगे यांच्या व्हायरल ऑडिओ क्लीपवरून महायुतीत मोठा वाद; राजकीय वातावरण तापले

मनोज जरांगे पाटील यांच्या एका व्हायरल झालेली ऑडिओ क्लिपवरून महायुतीमधील दोन प्रमुख पक्ष असलेल्या भाजप आणि शिवसेनेत (शिंदे गट) जोरदार वाद निर्माण झाला आहे. शिवसेनेकडून भाजपवर गंभीर आरोप केले जात असून, याला भाजपनेही अत्यंत आक्रमक शब्दांत प्रत्युत्तर दिले आहे. यामुळे आगामी निवडणुकांच्या पार्श्वभूमीवर महायुतीमधील अंतर्गत तणाव चव्हाट्यावर आला आहे.

शिवसेना नेते रामदास कदम यांनी, भाजपच्या काही नेत्यांनी मुख्यमंत्री एकनाथ शिंदे यांचा 'केसाने गळा कापण्याचा प्रयत्न' केल्याचा खळबळजनक आरोप केला होता.भाजप नेते प्रवीण दरेकर यांनी पत्रकार परिषद घेऊन रामदास कदम यांच्या विधानावर तीव्र आक्षेप घेतला. "रामदास कदमांसारख्या जबाबदार नेत्याने असे बेजबाबदार विधान करणे चुकीचे आहे. पडद्याआड राहून जरांगे यांना ताकद देणारे आणि देवेंद्र फडणवीसांना बदनाम करणारे कोण होते, हे लवकरच समोर येईल. भाजपला दोष देणार असाल तर जशास तसे उत्तर दिले जाईल," असा स्पष्ट इशारा त्यांनी दिला.

24 Oct 2026 09:05 AM (IST)

Maharashtra Weather Update:  मुंबई, ठाण्यासह उत्तर कोकणात उष्ण व दमट हवामानाचा 'यलो अलर्ट' 

Maharashtra Weather Update:  ऑक्टोबर महिना संपत आला तरी महाराष्ट्रातील नागरिकांना तीव्र उष्णता आणि घामाच्या धारांपासून कोणताही दिलासा मिळालेला नाही. राज्याच्या विविध भागांत उन्हाचा कडाका आणि प्रचंड उकाडा कायम आहे. भारतीय हवामान विभागाने (IMD) उत्तर कोकणातील जिल्ह्यांसाठी उष्ण आणि दमट हवामानाचा इशारा जारी केला असून, काही ठिकाणी पावसासाठी पोषक वातावरण तयार होत असल्याचा अंदाज वर्तवला आहे. हवामान विभागाच्या अंदाजानुसार, पालघर, ठाणे, मुंबई आणि रायगड या जिल्ह्यांमध्ये आज दिवसभर वातावरण अत्यंत उष्ण आणि दमट (Hot and Humid) राहण्याची शक्यता आहे.

24 Oct 2026 08:55 AM (IST)

Sanju Samson Statement: "व्यस्त वेळापत्रकामुळे दडपण येतं, पण देशासाठी खेळण्यातच खरा आनंद!"; संजू सॅमसनचे मोठे विधान 

Sanju Samson Statement:  भारतीय क्रिकेट संघाचा धडाकेबाज यष्टिरक्षक-फलंदाज संजू सॅमसन याने नुकत्याच एका मुलाखतीत खेळातील ताणतणाव, व्यस्त वेळापत्रक आणि देशासाठी खेळताना मिळणारा आनंद यावर अत्यंत महत्त्वाची आणि मोकळी प्रतिक्रिया दिली आहे. भारतीय संघाचे व्यस्त वेळापत्रक आणि वाढत्या दाबाबद्दल बोलताना त्याने खेळाडूंमधील मानसिक तयारीवर प्रकाश टाकला आहे. संजू सॅमसनच्या मते, व्यस्त वेळापत्रकामुळे जरी काही प्रमाणात शारीरिक व मानसिक ताण किंवा दडपण येत असले, तरी ती सर्व काळजी झटकून देशासाठी मैदानात उतरून खेळण्यात भारतीय खेळाडूंना मोठा आनंद मिळतो.