fake call center : अमेरिकन नागरिकांना टार्गेट करणाऱ्या बनावट कॉल सेंटरचा भांडाफोड, 7 जणांना अटक
25 सप्टेंबरला उपनिरीक्षक गजेंद्र माथूर यांना मिळालेल्या गुप्त माहितीच्या आधारे वेस्ट डिस्ट्रिक्टच्या अँटी ऑटो थेफ्ट स्क्वॉडच्या एका पथकाने नारायणा इंडस्ट्रियन परिसरातील वेप्ट्रा नावाने सुरू असलेल्या संशयित इंटरनॅशनल टेक सपोर्ट बनावट कॉल सेंटरवर छापा मारला. छापेमारीदरम्यान कॉल सेंटरचा कथित मालक असलेल्या अरुण, त्याचा पार्टनर सलीम आणि पाच कॉलर्सला अटक करण्यात आली. पोलिसांनी सांगितले की, हे कॉलर्स अमेरिकन नागरिकांशी संवाद साधण्यासाठी लॅपटॉप आणि हेडफोनचा वापर करायचे व खोटे इंग्रजी नावे सांगायचे.
ऑपरेशननंतर 26 सप्टेंबरला नारायणा पोलीस स्टेशनमध्ये एफआयआर नोंदवण्यात आले. हा एफआयआर भारतीय न्याय संहिता (बीएनएस) चे कलम 318 (4), 319 (2), 61 (2), 3(5) आणि इन्फॉर्मेशन टेक्नॉलॉजी अॅक्टचे कलम 66 डी अंतर्गत नोंदवण्यात आले आहे.
सुरुवातीच्या तपासात असे समोर आले की, आरोपी अमेरिकेच्या लोकांना लक्ष्य बनवण्यासाठी एक खोट्या अॅप्पल/आयओएस टेक्निकल सपोर्ट सेटअप चालवायचे. ते कथितरित्या टोल फ्री क्रमांकाच्या माध्यमातून अमेरिकामध्ये राहणाऱ्या लोकांशी संपर्क साधायचे व स्वतःला अॅप्पल टेक्निकल सपोर्ट एक्झिक्यूटिव्ह असल्याचे सांगायचे.
हे कॉलर्स लोकांना सांगायचे की, त्यांचा डिवाइस वा सिस्टममध्ये वायरस, मॅलवेअर वा पोर्नोग्राफिक कंटेट असल्याचे समोर आले आहे. अशात तुम्हाला तातडीने टेक्निकल मदत असल्याची फसवणूक ते अॅप्पल फोन वापरकर्त्यांना सांगायचे.
ते पीडितांना कथित टेक्निकल समस्या ठिक करण्याच्या बहाण्याने गिफ्ट कार्ड विकत घेण्यासाठी समजवायचे. त्यानंतर हे कॉलर्स समोरील व्यक्तीकडे असलेल्या गिफ्ट कार्डच्या डिटेल्स वा कोड मिळवायचे आणि ते आपल्या टिमच्या इतर लोकांकडे पाठवायचे. जप्त करण्यात आलेल्या सुरुवातीच्या तपासात पोलिसांना आयबीएम, अल्ट्राव्यूअर आणि एनीडेस्कसारख्या सॉफ्टवेअर इन्स्टॉल मिळालेत. त्यासोबतच अमेरिकन क्रमांकाची कॉल हिस्ट्री ही पोलिसांच्या हाती लागली आहे.
पोलिसांनी सांगितले की, या ऑपरेशन दरम्यान पाच लॅपटॉप, 12 मोबाइल फोन, 2 राउटर, 6 हेडफोन, 10 क्रेडिट/डेबिट कार्ड, 5 चेक बूक आणि एक ऑडी ए 3 35 टीडीआय कार जप्त करण्यात आली आहे. आरोपींची ओळख अरुण (29), सलीम (28)च्या रुपात झाली असून हे दोघेही काकरोलाचे राहणारे आहेत. तसेच काकरोलाच्याच निखिल (30), पितमपुराच्या मोंटू सिंह (34), किशनगडच्या तिरहुचू (26), उत्तमनगरच्या करण (28) आणि सागपुरच्या विशाल (29) यांचाही यात समावेश असल्याचे समोर आले आहे.
पोलीस म्हणाले की, या मोठ्या नेटवर्कचा शोध घेणे, टोल फ्री क्रमांकाच्या सोर्सचा पत्ता लावणे, संपर्क करण्यात आलेल्या लोकांची ओळख पटवणे, गिफ्ट कार्डच्या ट्रान्झॅक्शनचा तपास करणे, जप्त केलेल्या डिजिटल पुराव्यांचे विश्लेषण करणे आणि पैशांच्या देवाण-घेवाणाबाबत माहिती मिळवण्यासाठी पुढील तपास सुरू आहे.
.png "Videos"){kind=small}
