हिमालय सतत थरथरतोय! महिनाभरात १३० भूकंपाचे धक्के; दिल्लीपर्यंत हादरे

हिमालय आणि हिंदूकुश परिसरात गेल्या महिनाभरात भूकंपीय हालचाली वाढल्याचे समोर आले आहे. या काळात १३० भूकंपाच्या घटना नोंदवल्याने हिमालयाच्या संवेदनशीलतेकडे पुन्हा लक्ष वेधले गेले आहे.

• महिनाभरात हिमालय-हिंदूकुश परिसरात १३० भूकंपांची नोंद.
• लडाख, जम्मू-काश्मीर आणि हिमाचलमध्ये भूकंपीय हालचाली अधिक.
• भूकंपाचे हादरे दिल्ली-NCRपर्यंत जाणवल्याचे समोर आले.

हिमालय हा गेल्या महिन्याभरात सतत थरथरतोय. नॅशनल सेंटर फॉर सेस्मोलॉजीच्या रेकॉ चे विश्लेषण केले असता हिमालयन बेल्ट आणि त्याच्याशी निगडीत असलेला हिंदूकुश क्षेत्रात महिन्याभरात जवळपास १३० भूकंपाच्या घटना घडल्या आहेत. ३ किंवा त्याच्यापेक्षा जास्त रिक्टर स्केल तीव्रतेचा भूकंप होण्यात भारतीय हिमालय सर्वांत आघाडीवर आहे. इथे अशा ६३ घटनांची नोंद झाली आहे. अफगाणिस्तानमध्ये २६ तर नेपाळमध्ये १० असे भूकंप आले आहेत. पश्चिमी हिमालय याबाबतीत सर्वांत सक्रीय राहिल्याचे दिसून येते. लडाख, जम्मू काश्मीर आणि हिमाचल प्रदेशात एकूण ३६ भूकंपीय घडामोडी नोंदवल्या गेल्या आहेत. लडाख सर्वांत आघाडीवर असून १३ ऑगस्टला इथे १० किलोमीटर खोलीवर ५.५ रिक्टर केल तीव्रतेचा भूकंप आला होता. याच दिवशी ४.३ तीव्रतेचा अजून एक भूकंपाचा झटका बसला होता. २६ ऑगस्ट रोजी शिमलाजवळ ४.० रिक्टर स्केलचा तर लडाखमध्ये ४.४ तीव्रतेचा भूकंप झाला होता.

Mamata Banerjee यांच्या भाचीचा मृत्यू की घातपात? घरात मृतावस्थेत आढळल्याने खळबळ, शिक्षक भरती प्रकरणानंतर गेली होती नोकरी

हिंदूकुश-पामीर भागात मोठे झटके

हिंदूकुश-पामीर क्षेत्रात १०० ते १८० किमी खोल भूगर्भात
जास्त भूकंपांची नोंद झाली आहे. तर पश्चिमी मध्य हिमालयमध्ये लडाखपासून हिमाचलपर्यंत ३ ते १५ किमी खोल छोटे आणि मध्यम झटके आले होते होते. पूर्व हिमालयात सिक्कीम, अरुणाचल आणि तिबेटला लागून असलेल्या भागात देखील भूकंपाची नोंद झाली आहे.

उत्तराखंडमध्ये ७ भूकंप

मध्य आणि पूर्व हिमालयात उत्तराखंडमध्ये भूकंपीय घटना कमी झाल्या आहेत. बागेश्वर, चमोली, टिहरी, उत्तरकाशी आणि पिथौरागडमध्ये दोन किंवा त्यापेक्षा जास्त रिक्टर स्केलचे ७ भूकंप नोंदवले गेले आहेत. नेपालमध्ये अशा १० घटनांची नोंद झाली आहे. यातील सर्वांत मोठा झटका हा १९ ऑगस्ट रोजी बसला होता. त्याची तीव्रता ४.० रिक्टर इतकी होती. याचा केंद्रबिंदू हा काठमांडू पासून १४९ किलोमीटर पश्चिम उत्तर पश्चिममध्ये होता.

Environment Report : पर्यावरणाच्या बाबतीत भारताची स्थिती चिंताजनक; १७७ देशांत १७६वा क्रमांक

दिल्लीपर्यंत बसले हादरे

हिमालयातील शक्तीशाली भूकंपाचा पहिला प्रभाव हा उत्तराखंड, जम्मू काश्मीर, लडाख आणि हिमाचलच्या पर्वतीय भागात जाणवतो. त्यानंतर देहरादून, ऋषिकेश, हरिद्वार, उत्तरकाशी, चमोली आणि रुद्रप्रयागपर्यंत याचे तीव्र झटके जाणवतात. उत्तर प्रदेशच्या सहारनपूर, बिजनौर, मेरठ आणि मुजफ्फरनगरसोबतच दिल्ली एनसीआरपर्यंत याचे झटके दिसून येतात.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)