‘हिंदू तरुणींवर बलात्कार करण्याचे होते टार्गेट’; भोपाळ लव्ह जिहाद प्रकरणातील आरोपीचा दावा

आरोपी पीडित तरुणींना महागड्या हॉटेलमध्ये घेऊन जायचे, असेही तपासामधून उघड झाले आहे. एवढेच नाही तर यातील एक आरोपी फरहान याच्याकडे करण्यात आलेल्या चौकशीमधून आणखीनच धक्कादायक माहिती समोर आली आहे.

भोपाळ : देशातील बहुतांश भागात लव्ह जिहादची अनेक प्रकरणं समोर आली आहेत. त्यात आता मध्य प्रदेशमधील भोपाळ येथे असेच एक प्रकरण उघड आहे. या प्रकरणातील आरोपींना भोपाळमधील कुख्यात गुंड आर्थिक मदत करत असल्याचेही उघड झाले आहे. यातील आरोपींनी पोलिसांसमोर धक्कादायक दावा केेला आहे.

लव्ह जिहाद प्रकरणात अटक करण्यात आलेले आरोपी फरहान, अली आणि साद हे तिघेही सामान्य कौटुंबिक पार्श्वभूमी असतानाही आलिशान जीवन जगत होते. त्यातील फरहानकडे तब्बल 3 लाख रुपये किंमत असलेली स्पोर्ट्स बाईक होती तर अली याला महागड्या घड्यांळांचा शौक होता.

तसेच आरोपी पीडित तरुणींना महागड्या हॉटेलमध्ये घेऊन जायचे, असेही तपासामधून उघड झाले आहे. एवढेच नाही तर यातील एक आरोपी फरहान याच्याकडे करण्यात आलेल्या चौकशीमधून आणखीनच धक्कादायक माहिती समोर आली आहे. ‘मी कुठलेही चुकीचे काम केलेले नाही, उलट मी जे काही केले ते पुण्याचे काम होते. अधिकाधिक हिंदू मुलींवर अत्याचार करणे हेच माझे लक्ष्य होते’, असा दावा या आरोपीने केल्याचे सूत्रांनी म्हटले आहे.

मिळालेल्या माहितीनुसार, ही संपूर्ण टोळी ‘लव्ह जिहाद’च्या उद्देशाने हिंदू तरुणींना लक्ष्य करून त्यांच्यावर अत्याचार करत असे. या प्रकरणी शनिवारी राष्ट्रीय महिला आयोगाचे पथक भोपाळ येथे पोहोचणार आहे. तसेच बलात्कार आणि ब्लॅकमेलिंग प्रकरणी चौकशी करणार असल्याची माहिती देण्यात आली आहे.