दोन आठवड्यांत १.२५ लाख नवीन PNG Connection, तीन दिवसांत ५६०० लाख ऑनलाइन बुकिंग; सरकारकडून मोठी अपडेट ( फोटो सौजन्य : सोशल मीडिया )
Ministry of Petroleum Sujata Sharma Statement : मध्य-पूर्वेतील (us-israel iran war) वाढत्या तणावामुळे जागतिक स्तरावर ऊर्जा संकट निर्माण झाले असताना, भारतीय गृहखाते आणि पेट्रोलियम मंत्रालयाने देशातील गॅस पुरवठ्याबाबत अत्यंत महत्त्वाची माहिती जाहीर केली आहे. गेल्या काही दिवसांपासून एलपीजी सिलेंडरचा तुटवडा भासणार असल्याच्या अफवा सोशल मीडियावर पसरत होत्या, मात्र सरकारने दिलेल्या ताज्या आकडेवारीनुसार परिस्थिती पूर्णपणे नियंत्रणात आहे.
पेट्रोलियम आणि नैसर्गिक वायू मंत्रालयाच्या सहसचिव सुजाता शर्मा यांनी माहिती दिली की, गेल्या दोन आठवड्यांत १.२५ लाख नवीन पीएनजी (पाईप्ड नॅचरल गॅस) कनेक्शन्स देण्यात आली आहेत. विशेष म्हणजे, गेल्या तीन दिवसांत ५,६०० एलपीजी ग्राहक थेट पीएनजीवर स्थलांतरित झाले आहेत. हे स्थलांतर केवळ संकटाचा सामना करण्यासाठी नाही, तर ग्राहकांना अखंडित पुरवठा सुनिश्चित करण्यासाठी केले जात आहे. पीएनजीमुळे सिलेंडर संपण्याची किंवा बुकिंगची चिंता राहत नसल्याने शहरी भागात याला मोठी पसंती मिळत आहे.
जागतिक घडामोडी संबंधित बातम्या वाचण्यासाठी येथे क्लिक करा : ऊर्जा युद्धाचा उद्रेक! गॅस तुटवडा आणणार रडकुंडीला; इराणच्या ‘South Pars Gas Field’वर हल्ला म्हणजे स्फोटक परिस्थितीचा कळस
देशात एलपीजी सिलेंडरची टंचाई असल्याचा दावा सरकारने फेटाळून लावला आहे. सुजाता शर्मा यांच्या मते, काल एका दिवसात ५६ लाख ऑनलाइन बुकिंग झाले आणि विक्रमी ५५ लाख सिलेंडरचा पुरवठा ग्राहकांच्या घरापर्यंत करण्यात आला. १७ राज्य सरकारांनी व्यावसायिक एलपीजीसाठी तर १५ राज्यांनी अतिरिक्त रॉकेल वाटपाचे आदेश जारी केले आहेत. घाबरून (Panic Booking) केल्या जाणाऱ्या बुकिंगचे प्रमाणही आता हळूहळू कमी होत आहे, ही दिलासादायक बाब आहे.
West Asia Conflict| “Regarding natural gas, as I told you, the Government of India is making efforts and it would be beneficial if all commercial LPG consumers shifted to PNG,” said Sujata Sharma, Joint Secretary, Ministry of Petroleum & Natural Gas #Watch#Petrol #Diesel #PNG… pic.twitter.com/11dPAkcGtC — CNBC-TV18 (@CNBCTV18News) March 17, 2026
credit – social media and Twitter
युद्धजन्य परिस्थितीचा फायदा घेऊन काही ठिकाणी गॅस सिलेंडरची साठेबाजी किंवा काळाबाजार होण्याची शक्यता नाकारता येत नाही. हे रोखण्यासाठी केंद्र सरकारने सर्व राज्यांना कडक पत्र लिहिले आहे. सध्या ३१ राज्ये आणि केंद्रशासित प्रदेशांमध्ये नियंत्रण कक्ष (Control Rooms) स्थापन करण्यात आले आहेत. जिल्हा दंडाधिकाऱ्यांच्या अध्यक्षतेखाली २५ राज्यांमध्ये देखरेख समित्या तयार करण्यात आल्या आहेत. जर कोणीही सिलेंडरसाठी जादा पैसे आकारत असेल किंवा साठेबाजी करत असेल, तर त्यांच्यावर थेट कायदेशीर कारवाई करण्याचे आदेश देण्यात आले आहेत.
जागतिक घडामोडी संबंधित बातम्या वाचण्यासाठी येथे क्लिक करा : World War 3 : अधिक भयावह युद्धपरिणाम! इराणचा सौदीच्या सर्वात मोठ्या रिफायनरीवर भीषण हल्ला; इंधन दरवाढ पेटवणार महागाईची आग
भारतातील सर्व रिफायनरी प्लांट सध्या सामान्यपणे कार्यरत आहेत. किरकोळ विक्री केंद्रांवर (Petrol Pumps) तेलाचा कोणताही तुटवडा नाही. सीएनजी आणि देशांतर्गत उत्पादित कच्च्या तेलाचा पुरवठा कोणताही व्यत्यय न येता १००% सुरू आहे. सरकारने स्पष्ट केले आहे की, जरी जागतिक परिस्थिती चिंताजनक असली, तरी भारताकडे पुरेसा साठा उपलब्ध आहे. त्यामुळे नागरिकांनी कोणत्याही अफवांना बळी न पडता केवळ अधिकृत माहितीवरच विश्वास ठेवावा.
Ans: नाही, सरकारने स्पष्ट केले आहे की दिवसाला ५५ लाख सिलेंडरचा पुरवठा केला जात असून वितरण प्रक्रिया पूर्णपणे सामान्य आहे.
Ans: सध्या पीएनजी जोडणीला प्राधान्य दिले जात असून गेल्या दोन आठवड्यांत सव्वा लाख नवीन जोडण्या पूर्ण झाल्या आहेत.
Ans: प्रत्येक राज्यातील जिल्हास्तरीय नियंत्रण कक्षात किंवा पेट्रोलियम मंत्रालयाच्या अधिकृत पोर्टलवर तक्रार करता येईल.
