रेल्वे पोलिसांची मोठी कामगिरी! ५ वर्षांत ५२,४९४ आरोपी अटकेत; ड्रोन, CCTVसह गुन्हेगारांवर दंडात्मक कारवाई

रेल्वे प्रवाशांच्या सुरक्षेसाठी भारतीय रेल्वेने मागील पाच वर्षांत मोठी मोहीम राबवत गुन्हेगारांविरोधात कडक कारवाई केली आहे. या कारवाईमुळे रेल्वे मार्गावरील गुन्ह्यांवर नियंत्रण मिळवण्यास मदत झाली आहे.

• ५ वर्षांत ५२,४९४ जणांना अटक; ५०,४३२ आरोपींवर न्यायालयात खटले दाखल.
• १२,१५७ दगडफेकीच्या घटनांपैकी ८,४४१ जणांना अटक करून कारवाई.
• ड्रोन, सीसीटीव्ही आणि वाढीव गस्त यांसारख्या तंत्रज्ञानाचा वापर करून सुरक्षा मजबूत.

रेल्वे प्रवाशांच्या सुरक्षिततेसाठी भारतीय रेल्वेने गुन्हेगारांविरोधात व्यापक मोहीम राबवत मागील पाच वर्षांत ५२ हजार ४९४ जणांना अटक केली आहे. तसेच ५० हजार ४३२ आरोपीविरोधात न्यायालयात खटले दाखल करण्यात आले आहेत. दगडफेक, रेल्वे मालमत्ता चोरी आणि तोडफोड करणाऱ्या घटकांवर करण्यात आलेल्या कडक कारवाईमुळे रेल्वे सुरक्षेला बळ मिळाल्याचा दावा रेल्वे प्रशासनाने केला आहे. केंद्रीय रेल्वेमंत्री अश्विनी वैष्णव यांनी लोकसभेत दिलेल्या माहितीनुसार, २०२१ ते २०२५ या कालावधीत रेल्वे सुरक्षा दलाने रेल्वे मालमत्ता (अनधिकृत ताबा) कायदा १९६६ अंतर्गत मोठ्या प्रमाणावर कारवाई केली.

‘रेमंड’चे संस्थापक विजयपत सिंघानिया यांचे निधन; वयाच्या 87 वर्षी घेतला अखेरचा श्वास

केवळ ३ वेळा अपघात

रेली रुळांशी छेडछाड करून अपधात घडवण्याच्या घटना अत्यल्प असल्याचेही रेल्वेने स्पष्ट केले आहे.
मागील पाच वर्षांत अशा कैयता ३ घटना घडल्या असून त्या वाल्टेयर, झाशी आणि चेन्नई विभागात प्रत्येकी एक अशा नोंदल्या गेल्या.

सुरक्षेसाठी तंत्रज्ञानाची मदत

रेल्वे मार्गावरील गुन्हे रोखण्यासाठी आधुनिक तंत्रज्ञानाचाही वापर वाढविण्यात आला आहे. ड्रोनद्वारे निगराणी, सौरऊर्जेवर चालणारे सीसीटीव्ही कॅमेरे, संवेदनशील भागामध्ये वाढीव गस्त तसेच राज्य पोलिस आणि गुप्तचर यंत्रणांशी समन्वय अशा उपाययोजना करण्यात येत आहेत. तसेच रेल्वे मार्गालगत राहणा-या नागरिकांना संशयास्पद हालवालीची माहिती देण्याचे आवाहन करण्यात येत आहे.

ईशान्य भारतात मार्चअखेरीस मुसळधार पाऊस; हिमाचल ते ओडिशापर्यंत सोसाट्याचा वारा, तापमानातील चढउतार सुरूच

दगडफेक रोखण्यासाठी विशेष मोहीम

रेल्वे गाड्यांवरील दगडफेक रोखण्यासाठी विशेष मोहीम राबविण्यात आली. या कालावधीत १२ हजार १५७ दगडफेक प्रकरणे नोंदविण्यात आली असून त्यामध्ये ८ हजार ४४१ जणांना अटक करण्यात आली आहे. दगडफेक करणाऱ्यांवर कठोर कारवाई केल्यामुळे अशा घटनांवर काही प्रमाणात नियंत्रण मिळविण्यात यश आल्याचे रेल्वेने म्हटले आहे.