मोठा अनर्थ टळला! 161 प्रवासी थोडक्यात बचावले, IndiGo विमानात तांत्रिक बिघाड; दिल्ली विमानतळावर इमर्जन्सी लँडिग
शनिवारी सकाळी विशाखापट्टणमहून येणाऱ्या इंडिगो विमानात तांत्रिक बिघाड झाल्याचे कळताच दिल्लीच्या इंदिरा गांधी आंतरराष्ट्रीय (आयजीआय) विमानतळावर भीतीचे वातावरण निर्माण झाले. इंजिन निकामी होण्याची शक्यता असल्याने रनवे २८ वर ‘पूर्ण आपत्कालीन’ स्थिती जाहीर करण्यात आली. तथापि, वैमानिकाची प्रसंगावधानता आणि विमानतळ प्रशासनाच्या तत्परतेमुळे एक मोठी दुर्घटना टळली.
आपत्कालीन नियमांचे पालन करून, इंडिगो विमानाने शनिवारी (28 मार्च) सकाळी १०:५४ वाजता आयजीआय विमानतळावरील रनवे २८ वर सुरक्षितपणे लँडिंग केले. कोणतीही अनुचित घटना हाताळण्यासाठी रनवेवर अग्निशमन दलाच्या गाड्या आणि रुग्णवाहिका तैनात करण्यात आल्या होत्या. मिळालेल्या माहितीनुसार, विमानात एकूण १६१ प्रवासी होते. विमान उतरल्यानंतर लगेचच सर्व प्रवाशांना सुरक्षितपणे बाहेर काढण्यात आले. त्यांची तपासणी झाल्यावर त्यांना त्यांच्या गंतव्यस्थानी सोडण्यात आले. इंडिगो प्रशासन आता या इंजिनमधील बिघाडाच्या कारणांची सखोल चौकशी करत आहे.
अहवालानुसार, जानेवारी २०२५ ते फेब्रुवारी २०२६ दरम्यान एकूण ७५४ विमानांची तपासणी करण्यात आली, त्यापैकी ३७७ विमानांमध्ये सतत तांत्रिक दोष असल्याचे आढळून आले. संसदीय स्थायी समितीच्या ताज्या तपासणी अहवालातील आकडेवारीवरून असे सूचित होते की, आजचे आपत्कालीन लँडिंग हा केवळ एक योगायोग नसून, एका मोठ्या संकटाचा भाग असू शकतो.
अहवालानुसार, जानेवारी २०२५ ते फेब्रुवारी २०२६ दरम्यान तपासणी केलेल्या ७५४ व्यावसायिक विमानांपैकी ३७७ (जवळपास ५०%) विमानांमध्ये सतत तांत्रिक दोष आढळून आले. आजच्या घटनेने समितीच्या त्या इशाऱ्याला दुजोरा दिला आहे की, भारतातील निम्मी व्यावसायिक विमाने तांत्रिक दोषांनी ग्रस्त आहेत आणि नागरी विमान वाहतूक क्षेत्राला “मूलभूत पुनर्रचनेची” गरज आहे.
.png "Videos"){kind=small}
