Jammu And Kashmir: उधमपूरमध्ये मोठा अपघात… CRPF जवानांची बस 200 फूट खोल दरीत कोसळली, 3 जवानांचा मृत्यू; 16 जण जखमी

जम्मू आणि काश्मीरमधील उधमपूर येथे सीआरपीएफ जवानांना घेऊन जाणारे एक वाहन दरीत कोसळल्याची माहिती समोर येत आहे. या अपघातात दोन जवानांचा मृत्यू झाला आहे. तर १६ जण जखमी आहेत.

जम्मू आणि काश्मीरमधील उधमपूर जिल्ह्यात एक मोठी बातमी समोर आली आहे. बसंतगड येथे केंद्रीय राखीव पोलीस दलाच्या ( CRPF) जवानांना घेऊन जाणारे एक वाहन खोल दरीत कोसळल्याची घटना समोर आली. कांडवा परिसराजवळ ही दुर्दैवी दुर्घटना घडली. या अपघातात दोन सीआरपीएफ जवानांचा मृत्यू झाला आहे. तर १६ जवान जखमी आहेत. या अपघातानंतर सर्व जखमींना कमांड हॉस्पिटलमध्ये नेण्यात येत आहे. तसेच बचाव पथके घटनास्थळी उपस्थित आहेत. केंद्रीय मंत्री डॉ. जितेंद्र सिंह यांनी या अपघाताबद्दल दुःख व्यक्त केले.

 SIR चा मुद्दा तापला! बिहारच्या निवडणुकीपूर्वी दिल्लीत ‘या’ दिवशी विरोधक काढणार मोर्चा

या अपघातासंदर्भात सोशल मीडिया एक्स वर पोस्ट शेअर करताना त्यांनी लिहिले, कांडवा-बसंतगड परिसरात सीआरपीएफच्या वाहनाला झालेल्या रस्ते अपघाताची बातमी ऐकून मला दुःख झाले आहे. वाहनात अनेक शूर सीआरपीएफ जवान होते. मी नुकतेच डीसी सलोनी राय यांच्याशी बोललो आहे, जे स्वतः परिस्थितीचे निरीक्षण करत आहेत आणि मला माहिती देत आहेत. बचावकार्य तातडीने सुरू करण्यात आले आहे. स्थानिक लोक मदतीसाठी स्वयंस्फूर्तीने पुढे आले आहेत. शक्य तितकी मदत केली जात आहे.

See more

CRPF vehicle accident reported in Kandva-Basantgarh area of #Udhampur. Several jawans seriously injured. Rescue ops underway. Union Minister @DrJitendraSingh speaks to DC @rai_saloni , who is on ground monitoring. Locals join rescue efforts.@airnewsalerts
Report: @DubeyAchin pic.twitter.com/GXATuSbQSr — Akashvani News Jammu (@radionews_jammu) August 7, 2025

अपघाताचे फोटो समोर

या दुर्दैवी अपघाताचे फोटोही समोर आले आहेत. मिळालेल्या माहितीनुसार, घटनास्थळी रुग्णवाहिका देखील पाठवण्यात आल्या आहेत. वाहन खड्ड्यात कसे पडले याची कारणे अद्याप समजू शकलेली नाहीत. पोलिस तपास करत आहेत आणि अपघाताची कारणे शोधत आहेत.

वाहनात १८ सैनिकांच प्रवास

सीआरपीएफने सांगितले की, १८७ व्या बटालियनचे एक वाहन, ज्यामध्ये १८ सैनिक प्रवास करत होते, आज सकाळी १०:३० वाजता जम्मू आणि काश्मीरमधील उधमपूर जिल्ह्यातील कडवा येथून बसंत गढ येथे जात असताना अपघात झाला आणि खड्ड्यात पडले.

केंद्रीय मंत्री डॉ. जितेंद्र सिंह यांनी ट्विट केले की, उधमपूरमधील कांडवा-बसंतगड भागात सीआरपीएफच्या वाहनाला अपघात झाला. या अपघातात काही सैनिकांच्या बलिदानाची बातमी ऐकून मला दुःख झाले आहे. वाहनात अनेक शूर सीआरपीएफ जवान प्रवास करत होते. मी नुकतेच डीसी सलोनी राय यांच्याशी बोललो आहे, ज्या स्वतः परिस्थितीवर लक्ष ठेवून आहेत आणि मला माहिती देत आहेत. बचाव कार्य तात्काळ सुरू करण्यात आले आहे. स्थानिक लोक स्वेच्छेने मदतीसाठी पुढे आले आहेत. शक्य तितकी मदत सुनिश्चित केली जात आहे.

मला मोठी किंमत मोजावी लागेल, पण…’ ट्रम्प यांच्या टॅरिफ हल्ल्यावर पंतप्रधान मोदींचे विधान