लालू यादव पुन्हा तुरुंगात जाणार? जामीन रद्द करण्यासाठी सीबीआय सुप्रीम कोर्टात पोहोचली, 25 ऑगस्टला सुनावणी
चारा घोटाळ्यात लालू यादव सध्या जामिनावर बाहेर आहेत. झारखंड उच्च न्यायालयाच्या निर्णयाविरोधात सीबीआयने सर्वोच्च न्यायालयात अर्ज दाखल केला असून त्यावर २५ ऑगस्ट रोजी सुनावणी होणार आहे. त्यांचा जामीन रद्द करण्याची मागणी करण्यात आली आहे.
राष्ट्रीय जनता दलाचे (आरजेडी) सुप्रिमो लालू प्रसाद यादव यांच्या चारा घोटाळ्यातील अडचणीत वाढ होऊ शकते. सीबीआयने त्यांच्या जामीनाविरोधात सुप्रीम कोर्टात अर्ज केला होता, तो मंजूर करण्यात आला आहे. यावर सर्वोच्च न्यायालय २५ ऑगस्टला सुनावणी करणार आहे. झारखंड उच्च न्यायालयाच्या निर्णयाला आव्हान देत केंद्रीय तपास यंत्रणेने आपल्या याचिकेत लालू यादव यांचा जामीन रद्द करण्याची मागणी केली आहे. सर्वोच्च न्यायालयाने सीबीआयच्या बाजूने निकाल दिल्यास येत्या काही दिवसांत लालूंना पुन्हा तुरुंगात जावे लागू शकते.
गेल्या वर्षी एप्रिलमध्ये आरजेडी सुप्रिमोला झारखंड हायकोर्टातून जामीन मिळाला होता. 30 एप्रिल 2022 रोजी त्यांची तुरुंगातून सुटका झाली. चारा घोटाळ्याशी संबंधित दोरांडा कोषागार प्रकरणात ते जवळपास तीन वर्षे तुरुंगात होते. त्यानंतर सीबीआयने सर्वोच्च न्यायालयात झारखंड उच्च न्यायालयाच्या निर्णयाविरोधात सर्वोच्च न्यायालयात धाव घेतली. त्यावर आता सर्वोच्च न्यायालयाने सुनावणी घेण्याचे मान्य केले आहे.
काय प्रकरण आहे?
चारा घोटाळा हा १९९० ते ९५ सालचा आहे. लालू यादव सत्तेत असताना डोरंडा आणि इतर तिजोरीतून कोट्यवधी रुपये काढण्यात आल्याचा आरोप आहे. हे रुपये काढून जनावरांचा चारा व इतर खर्चाचा खोटा तपशील दाखवण्यात आला. लालू यादव यांच्यावर चारा घोटाळ्याशी संबंधित अनेक खटले सुरू आहेत. यातील पाच प्रकरणांमध्ये त्याला दोषी ठरवण्यात आले आहे. त्यामुळे लालू यादव यांना तुरुंगात जावे लागले. मात्र, प्रकृतीच्या कारणास्तव त्यांना गेल्या वर्षी एप्रिलमध्ये जामीन मंजूर करण्यात आला होता. जामिनावर सुटल्यानंतर लालूंनी डिसेंबरमध्ये सिंगापूरमध्ये किडनी प्रत्यारोपणही केले होते.
Web Title: Lalu yadav will go to jail again cbi approaches supreme court to cancel bail hearing on august 25will go to jail again cbi approaches supreme court to cancel bail hearing on august 25 nrab
.png "Videos"){kind=small}
