बंगाल अन् तमिळनाडूमध्ये लोकशाहीचा उत्सव; मतदानादिवशी PM मोदींनी केले खास आवाहन

West Bengal Election Result 2026 : तमिळनाडू व पश्चिम बंगालमध्ये विधानसभा निवडणुकीसाठी पहिल्या टप्प्यातील मतदान पार पडत असून पंतप्रधान नरेंद्र मोदींनी पोस्ट केली आहे.

• पश्चिम बंगाल व तमिळनाडूमध्ये विधानसभा निवडणूक
• पंतप्रधान नरेंद्र मोदी यांची खास सोशल मीडिया पोस्ट
• लाखो मतदारांना केले खास आवाहन

West Bengal Election Result 2026 : नवी दिल्ली : देशातील दोन प्रमुख राज्यांमध्ये विधानसभा निवडणुकीची रणधुमाळी सुरु आहे. पश्चिम बंगाल आणि तमिळनाडूमध्ये पहिल्या टप्प्यातील मतदान पार पडत आहे. दोन राज्यांतील करोडो मतदार हे मतदानाचा हक्क बजावणार असून लोकशाहीच्या उत्सवामध्ये सहभागी होणार आहेत. दोन्ही राज्यांमध्ये सरकार स्थापन करण्यासाठी भाजपने साम-दाम-दंड-भेद अशा सर्व शक्तींचा वापर केला आहे. त्यामुळे मतदार कोणाच्या पदरात मतदाररुपी दान टाकणार याची सर्वांना उत्सुकता लागली आहे. दरम्यान, पंतप्रधान नरेंद्र मोदी (PM Narendra Modi) यांनी मतदारांना खास आवाहन केले आहे.

दोन्ही राज्यांच्या या विधानसभा निवडणुकीमध्ये पहिल्या टप्प्यामध्ये आज एकूण ५,५०१ उमेदवार मतदारांच्या पाठिंब्याच्या प्रतीक्षेत आहेत. पंतप्रधान मोदींनीही सोशल मीडिया पोस्टद्वारे मतदारांना आवाहन केले आहे. पश्चिम बंगालच्या मतदारांसाठी पंतप्रधान नरेंद्र मोदींनी लिहिले आहे की, “पश्चिम बंगाल विधानसभा निवडणुकीचा पहिला टप्पा आज पार पडत आहे. लोकशाहीच्या या उत्सवात पूर्ण ताकदीने सहभागी व्हावे, असे आवाहन मी सर्व नागरिकांना करतो. विशेषतः माझ्या तरुण मित्रांना आणि पश्चिम बंगालमधील महिलांना मी मोठ्या संख्येने मतदान करण्याचे आवाहन करतो,” असे पंतप्रधान मोदी म्हणाले आहेत.

See more

Phase 1 of the West Bengal Assembly elections takes place today. I urge all citizens to participate in this festival of democracy with full strength. I especially appeal to my young friends and to the women of West Bengal to vote in large numbers. — Narendra Modi (@narendramodi) April 23, 2026

हे देखील वाचा : तामिळनाडू, पश्चिम बंगालमध्ये आज मतदान; तामिळनाडूमध्ये 4023 उमेदवार निवडणुकीच्या रिंगणात

तमिळनाडूच्या मतदारांसाठी देखील पंतप्रधान मोदींनी खास पोस्ट लिहिली आहे. मोदींनी लिहिले आहे की, “तामिळनाडूमध्ये विधानसभा निवडणुकांसाठी मतदान होत असताना, मी सर्व मतदारांना आवाहन करतो की, त्यांनी लोकशाहीच्या या पवित्र कर्तव्यात उत्साहाने सहभागी व्हावे. विशेषतः तामिळनाडूतील तरुण आणि महिलांना मी आग्रहाने विनंती करतो की, त्यांनी मोठ्या संख्येने बाहेर पडावे आणि विक्रमी संख्येने मतदान करावे,” असे आवाहन पंतप्रधान नरेंद्र मोदी यांनी केले आहे.

हे देखील वाचा : Bengal Elections 2026: पहिल्या टप्प्यात चुरशीची लढत; ‘या’ दिग्गज नेत्यांची प्रतिष्ठा पणाला

 

See more

தமிழ்நாட்டு மக்கள் சட்டமன்றத் தேர்தலில் வாக்களிக்க உள்ள வேளையில், அனைத்து வாக்காளர்களும் மிகுந்த உற்சாகத்துடன் இந்த புனிதமான ஜனநாயகக் கடமையை நிறைவேற்ற வேண்டுமெனக் கேட்டுக்கொள்கிறேன். குறிப்பாக, தமிழ்நாட்டின் இளைஞர்களும், பெண்களும் பெருமளவில் திரண்டு வந்து, சாதனை அளவிலான வாக்குகள்… — Narendra Modi (@narendramodi) April 23, 2026