‘मुंबई हल्ल्यावेळी काँग्रेसने गुडघे टेकले, विदेशी दबावामुळे…’, पंतप्रधान मोदींचा काँग्रेसवर जोरदार हल्ला

विमानतळाच्या उद्घाटनप्रसंगी पंतप्रधान मोदींनी २००८ च्या मुंबई हल्ल्या (२६/११) संदर्भात काँग्रेस पक्षावर जोरदार हल्ला चढवला. पंतप्रधान म्हणाले की....

• ‘मुंबई हल्ल्यावेळी काँग्रेसने गुडघे टेकले
• पंतप्रधान मोदींचा काँग्रेसवर जोरदार हल्ल
• आजचा भारत शांत बसून राहणार नाही…

PM Modi In Mumbai: पंतप्रधान नरेंद्र मोदी यांच्या हस्ते आज, ८ ऑक्टोबर रोजी बहुप्रतिक्षित नवी मुंबई आंतरराष्ट्रीय विमानतळाचे (NMIA) उद्घाटन झाले. ₹ १९,६५० कोटी खर्चून उभारलेले हे विमानतळ मुंबई आणि पश्चिम भारतात हवाई प्रवासाच्या क्रांतीचा एक नवीन अध्याय ठरणार आहे. हे विमानतळ आजपासून पूर्ण क्षमतेने सेवेत येणार नसून, एअर इंडिया, इंडिगो आणि अकासा एअर डिसेंबर महिन्यापासून प्रवाशांसाठी विमानसेवा सुरू करण्याची योजना आखत आहेत. या प्रकल्पामुळे प्रवाशांचा वेळ वाचेलच, शिवाय व्यापार आणि पर्यटनालाही मोठी चालना मिळणार आहे.

मुंबई हल्ल्यावरून पंतप्रधान मोदींचा काँग्रेसवर मोठा हल्ला

विमानतळाच्या उद्घाटनप्रसंगी पंतप्रधान मोदींनी २००८ च्या मुंबई हल्ल्या (२६/११) संदर्भात काँग्रेस पक्षावर जोरदार हल्ला चढवला. पंतप्रधान म्हणाले की, मुंबई हल्ल्यात जेव्हा संपूर्ण देश हादरला होता, तेव्हा यूपीए सरकारने दहशतवाद्यांसमोर शरणागती पत्करली. “त्यावेळी लष्कर पाकिस्तानवर हल्ला करण्यास तयार होते, परंतु परकीय दबावामुळे काँग्रेस सरकारने ते थांबवले. कोणत्या परदेशी शक्तीने भारतीय सैन्याला कारवाई करण्यापासून रोखले?” असा सवाल त्यांनी उपस्थित केला. पंतप्रधान मोदींनी भर दिला की, “आजचा भारत शांत बसून राहणार नाही आणि आता त्याच भाषेत दहशतवाद्यांना उत्तर देईल.” त्यांनी यावेळी राष्ट्रीय भावनांशी छेडछाड का केली गेली, असा प्रश्नही उपस्थित केला.

See more

VIDEO | Navi Mumbai: Addressing a gathering here, PM Narendra Modi says, “Recently, a senior Congress leader, who has also served as the Home Minister, made a major revelation in an interview. He claimed that after the Mumbai attacks, the Indian Army was ready to strike Pakistan,… pic.twitter.com/Fg2pGfuQjv — Press Trust of India (@PTI_News) October 8, 2025

IMC 2025: यशोभुमित टेक महाकुंभाचे आयोजन! पंतप्रधान मोदींनी केलं उद्घाटन, 5G-6G सह या संकल्पनांनी वेधलं लक्ष

उत्कृष्ट कनेक्टिव्हिटी आणि सुविधा

एनएमआयए हे रस्ते, रेल्वे आणि पाण्याद्वारे कनेक्टिव्हिटी देणारे भारतातील पहिले विमानतळ आहे. जलद कनेक्टिव्हिटी: अटल सेतू (मुंबई ट्रान्स-हार्बर लिंक) मुळे दक्षिण मुंबई ते विमानतळापर्यंतचा प्रवास केवळ ४० मिनिटांत पूर्ण होणार आहे. मेट्रो गोल्ड लाईन एनएमआयएला थेट सीएसएमआयए (मुंबई आंतरराष्ट्रीय विमानतळ) शी जोडेल. भविष्यात हाय-स्पीड ट्रेन आणि वॉटर टॅक्सी सेवा देखील उपलब्ध असतील. हे विमानतळ शेतकरी त्यांचे उत्पादन मध्य पूर्व आणि युरोपमध्ये सहजपणे पाठवू शकतील यासाठी जागतिक कनेक्टिव्हिटी प्रदान करेल, ज्यामुळे त्यांचे उत्पन्न वाढेल.

Asaduddin Owaisi On Modi: “दिल्लीत बसलेला जादुगार…”; असुद्दीन ओवेसींची PM मोदींवर सडकून टीका