नवी दिल्ली – न्यूयॉर्कमधील प्राणघातक हल्ल्यानंतर भारतीय वंशाचे ब्रिटिश-अमेरिकन लेखक सलमान रश्दी यांच्या प्रकृतीत आता सुधारणा होत असल्याचे माहिती आहे. मीडिया रिपोर्ट्सनुसार, त्याला व्हेंटिलेटरवरून काढण्यात आले आहे. तसेच त्यांना बोलता येत असल्याचा दावाही केला जात आहे. सलमानवर हल्ला करणाऱ्या आरोपीने कोर्टात स्वतःला निर्दोष म्हटले आहे.
शुक्रवारी रश्दी यांच्यावर २४ वर्षीय हादी मातर याने थेट कार्यक्रमादरम्यान हल्ला केला होता. मातरने त्याच्या गळ्यावर १०-१५ वेळा वार केले, त्यानंतर रश्दी यांना एअरलिफ्ट करून रुग्णालयात दाखल करण्यात आले. मातर शिया अतिरेकाबद्दल सहानुभूती असल्याची माहिती आहे. रुग्णालयातील एका डॉक्टरने अमेरिकन मीडियाला सांगितले की, रश्दी यांच्या गळ्यावर आणि पोटावर अनेक चाकूने जखमा झाल्या असून त्याच्यावर शस्त्रक्रिया पार पाडली.
मातर यांच्यावर खुनाचा प्रयत्न आणि प्राणघातक हल्ला असे गुन्हे दाखल झाले आहेत. त्याच्या सोशल मीडिया खात्यांवरून असे दिसून आले आहे की तो शिया अतिरेकी आणि इराणच्या इस्लामिक रिव्होल्युशनरी गार्ड कॉर्प्स (IRGC) बद्दल सहानुभूती बाळगतो, परंतु तपास यंत्रणांना आतापर्यंत कोणतेही थेट दुवे सापडलेले नाहीत.
.png "Videos"){kind=small}
