तेलंगणाचे माजी मुख्यमंत्री केसीआर यांची कन्या के. कविताला ईडीकडून अटक, 7 दिवसांची न्यायालयीन कोठडीत रवानगी!

शनिवारी ईडीने त्याला दिल्लीच्या राऊस ॲव्हेन्यू कोर्टात हजर केले. यानंतर त्यांना सात दिवसांची न्यायालयीन कोठडी सुनावण्यात आली.

दिल्ली दारू धोरण प्रकरणी मोठी अपडेट समोर येता आहे. BRS MLC आणि तेलंगणाचे माजी मुख्यमंत्री के. चंद्रशेखर राव यांची मुलगी के. कविता (K. Kavita) हिला सात दिवसांची न्यायालयीन कोठडी सुनावण्यात आली आहे. ईडीने शुक्रवारी कविताला तिच्या हैदराबाद येथील निवासस्थानावरुन अटक केली होती. ईडीने कविता यांच्यावर दिल्ली अबकारी दारू धोरण प्रकरणात (Delhi excise liquor policy case) सहभाग असल्याचा आरोप केला आहे. शनिवारी ईडीने त्याला दिल्लीच्या राऊस ॲव्हेन्यू कोर्टात हजर केले. यानंतर त्यांना सात दिवसांची न्यायालयीन कोठडी सुनावण्यात आली.

[read_also content=”सिद्धू मूसवालाच्या आईने 58 व्या वर्षी दिला मुलाला जन्म, कुटुंबियांनी शुभदीपचं केलं स्वागत! https://www.navarashtra.com/movies/charan-kaur-balkaur-singh-became-parents-sidhu-moosewala-younger-brother-shubhdeep-came-home-nrps-515912.html”]

लोकसभा निवडणुकीच्या घोषणेच्या एक दिवस आधी, ईडीने हैदराबादमधील तेलंगणाचे आमदार के. कविता यांच्या आवारात छापे टाकले. अनेक तासांच्या छाप्यानंतर ईडीने त्याला अटक केली आणि नंतर दिल्लीत आणले. बीआरएस प्रमुख केसीआर यांची कन्या कविता हिला ईडीने अटक केल्याने राज्यातील राजकारण चांगलेच तापले आहे. बीआरएस प्रमुख केसीआर केंद्रातील मोदी सरकारवर सातत्याने हल्लाबोल करत आहेत. मात्र, गेल्या महिन्यात झालेल्या विधानसभा निवडणुकीत बीआरएसची सत्ता गेली. तेलंगणा राज्यातील जनतेने काँग्रेसला एकतर्फी बहुमत देऊन विजय मिळवून दिला.

कविताला राहत्या घरातून अटक

ईडीने के.कविता यांना हैदराबाद येथील बंजारा हिल्स येथील राहत्या घरातून अटक केली. दिल्ली अबकारी धोरण प्रकरणात मनी लाँड्रिंगप्रकरणी ईडी कविताविरुद्ध चौकशी करत आहे. दिल्ली उत्पादन शुल्क धोरण प्रकरणी दिल्लीचे माजी उपमुख्यमंत्री मनीष सिसोदिया, आपचे खासदार संजय सिंह यांच्यासह अनेक नेते गेल्या अनेक महिन्यांपासून तुरुंगात आहेत.